20 Yehowa toaa so ka kyerɛɛ Aaron sɛ: “Worennya agyapadeɛ wɔ wɔn asaase so, na worennya asaase biara wɔ wɔn mu.+ Mene wo kyɛfa ne w’agyapadeɛ wɔ Israelfoɔ mu.+

24 Ɛfiri sɛ nneɛma mu nkyɛmu du mu baako a Israelfoɔ de yi ntoboa, deɛ wɔde yi ntoboa ma Yehowa no, mede ama Lewifoɔ no sɛ wɔn agyapadeɛ. Ɛno nti na maka akyerɛ wɔn sɛ: ‘Ɛnsɛ sɛ wɔnya agyapadeɛ biara wɔ Israelfoɔ mu’ no.”+

9 Wei nti na wɔamma Lewi kyɛfa anaa agyapadeɛ wɔ ne nuanom mu no. Yehowa ne n’agyapadeɛ sɛdeɛ Yehowa mo Nyankopɔn ka kyerɛɛ no no.+

28 “Mfeɛ mmiɛnsa biara ba awieeɛ a, fa afe a ɛtɔ so mmiɛnsa no nnɔbaeɛ a wonyaeɛ nyinaa mu nkyɛmu du mu baako bra wo kurom.+ 29 Ɛsiane sɛ Lewifoɔ annya kyɛfa anaa agyapadeɛ biara wɔ mo mu nti, wɔne ahɔhoɔ a wɔabɛsoɛ mo mu, nnyanka, ne akunafoɔ a wɔwɔ mo nkuro mu no bɛba abɛdi amee,+ na deɛ moyɛ nyinaa, Yehowa mo Nyankopɔn bɛhyira so.+

14 Lewi abusuakuo no nko ara na wamma wɔn agyapadeɛ.+ Afɔreɛ a wɔde egya hye ma Israel Nyankopɔn Yehowa no, ɛno ne wɔn agyapadeɛ,+ sɛdeɛ ɔhyɛɛ wɔn bɔ no.+