2 “Abakan biara a ɔyɛ ɔbarima* wɔ Israel no, hyira ne so* ma me. Sɛ ɔyɛ ɔbarima a ɔdi kan oo, sɛ aboa a ɔyɛ onini a ɔdi kan oo, ɛyɛ me dea.”+

30 Saa ara na ɛsɛ sɛ woyɛ wo nantwie ne wo dwan abakan:+ Ma no ntena ne maame ho nnanson. Na da a ɛtɔ so nwɔtwe no, fa no ma me.+

13 Ɛfiri sɛ abakan biara yɛ me dea.+ Ɛda a mekum Egypt asaase so mmakan nyinaa no,+ mehyiraa mmakan a wɔwɔ Israel nyinaa so fae, nnipa ne mmoa mmakan nyinaa.+ Enti wɔbɛyɛ me dea. Mene Yehowa.”

15 “Biribiara a nkwa wom* abakan+ a wɔde bɛbrɛ Yehowa no, onipa oo, aboa oo, ɛbɛyɛ wo dea. Nanso nnipa mmakan deɛ, sɛdeɛ ɛteɛ biara, tua sika gye wɔn.+ Mmoa a wɔn ho nte mmakan nso, tua sika gye wɔn.+

17 Nanso nantwinini a ɔyɛ abakan anaa odwennini kumaa a ɔyɛ abakan anaa apɔnkye a ɔyɛ abakan deɛ, ntua sika nnye wɔn.+ Wɔyɛ kronkron. Fa wɔn mogya petepete afɔrebukyia no so,+ na fa egya hye wɔn sradeɛ ma ɛnyɛ afɔreɛ hwamhwam* mma Yehowa.+