Ɔwɛn-Aban INTANƐT SO NWOMAKORABEA

Genesis 4:9, 10

Twerɛ Kronkron—Wiase Foforɔ Nkyerɛaseɛ
- 9 Akyire yi, Yehowa bisaa Kain sɛ: “Wo nua Habel wɔ he?” Ɛnna ɔbuaa sɛ: “Mennim. Adɛn, me na mehwɛ me nua no so anaa?” 10 Ɛnna Onyankopɔn kaa sɛ: “Ɛdeɛn na woayɛ yi? Tie! Wo nua no mogya firi asaase so reteam frɛ me.+

Genesis 9:5

Twerɛ Kronkron—Wiase Foforɔ Nkyerɛaseɛ
- 5 Afei nso, abɔdeɛ a ɛte ase biara a ɔbɛka mo mogya a ɛyɛ mo nkwa* agu no, mɛma no abu ho akonta. Sɛ onipa ka ne yɔnko mogya gu a, mɛma no abu ho akonta, ɛfiri sɛ ɔyɛ ne nua.+

Deuteronomium 32:43

Twerɛ Kronkron—Wiase Foforɔ Nkyerɛaseɛ
- 43 Amanaman, mo ne ne man ani nnye,+
  Ɔbɛtua n’atamfo so ka,+
  Ɔbɛbisa ne nkoa mogya afiri wɔn nsam,+
  Na ɔbɛpata ama ne nkurɔfoɔ asaase.”*

2 Ahemfo 9:24

Twerɛ Kronkron—Wiase Foforɔ Nkyerɛaseɛ
- 24 Ɛnna Yehu twee agyan to wɔɔ Yehoram akyi maa no kɔpuee n’akomam, na ɔtwa hwee ne teaseɛnam no mu.

2 Ahemfo 9:26

Twerɛ Kronkron—Wiase Foforɔ Nkyerɛaseɛ
- 26 ‘“Ampa, ɛnnora mehuu Nabot mogya+ ne ne mma mogya,” Yehowa asɛm nie, “asaase yi ara so na mɛtua wo ka,”+ Yehowa asɛm nie.’ Enti ma ne so to no twene asaase no so sɛdeɛ Yehowa kaeɛ no.”+

2 Ahemfo 24:3, 4

Twerɛ Kronkron—Wiase Foforɔ Nkyerɛaseɛ
- 3 Ɛyɛ Yehowa asɛm a ɔkaeɛ no na ampa ara ɛbaa mu wɔ Yuda so. Ɔkaa sɛ ɔbɛto wɔn afiri n’anim atwene+ ɛsiane bɔne a Manase yɛeɛ nyinaa+ 4 ne mogya a ɛdi bem a ɔhwie guiɛ nti,+ ɛfiri sɛ ɔde mogya a ɛdi bem hyɛɛ Yerusalem ma. Ɛno nti Yehowa ampɛ sɛ ɔde bɔne no bɛkyɛ.+

Luka 11:49-51

Twerɛ Kronkron—Wiase Foforɔ Nkyerɛaseɛ
- 49 Wei nti na Onyankopɔn nyansa nso kaa sɛ: ‘Mɛsoma adiyifoɔ ne asomafoɔ akɔ wɔn nkyɛn, na wɔbɛkum wɔn mu binom, na wɔatan ebinom ani. 50 Ɛno nti, adiyifoɔ mogya a wɔahwie agu firi berɛ a wɔhyɛɛ wiase ase* no nyinaa, wɔbɛbisa afiri awoɔ ntoatoasoɔ yi+ hɔ, 51 ɛfiri Habel mogya+ so kɔsi Sakaria a wɔkuu no afɔrebukyia ne asɔrefie no ntam+ no mogya so.’ Aane, mereka akyerɛ mo sɛ wɔbɛbisa afiri awoɔ ntoatoasoɔ yi hɔ.