Ɔwɛn-Aban INTANƐT SO NWOMAKORABEA

Ɔwɛn-Aban INTANƐT SO NWOMAKORABEA

INTANƐT SO NWOMAKORABEA

Deuteronomium 4:34

Twerɛ Kronkron—Wiase Foforɔ Nkyerɛaseɛ
- 34 Anaa woate pɛn sɛ Onyankopɔn ayɛ sɛ ɔde atemmuo,* nsɛnkyerɛnne, anwanwadeɛ,+ ɛko,+ nsa a ɛyɛ den,+ basa a watene mu, ne nneɛma a ɛyɛ hu+ bɛyi ɔman bi afiri ɔman foforɔ mu de ne din ato wɔn so sɛdeɛ woahu sɛ Yehowa wo Nyankopɔn ayɛ ama mo wɔ Egypt no?

Nehemia 9:10

Twerɛ Kronkron—Wiase Foforɔ Nkyerɛaseɛ
- 10 Na woyɛɛ nsɛnkyerɛnne ne anwanwadeɛ de twee Farao ne ne nkoa ne nnipa a wɔwɔ n’asaase so nyinaa aso,+ ɛfiri sɛ na wonim sɛ wɔadi wo nkurɔfoɔ so ahantansɛm.+ Wode gyee din, na atena hɔ abɛsi nnɛ.+

Dwom 105:27-36

Twerɛ Kronkron—Wiase Foforɔ Nkyerɛaseɛ
- 27 Ɔmaa wɔyɛɛ nsɛnkyerɛnne wɔ wɔn mu,
  Na ɔmaa wɔyɛɛ anwanwadeɛ wɔ Ham asaase so.+
  
  28 Ɔsomaa esum, na esum bɛkataa asaase no so;+
  Wɔante atua antia n’asɛm.
  
  29 Ɔdanee wɔn nsuo mogya,
  Na ɔkunkum wɔn mpataa.+
  
  30 Mpɔtorɔ bɛhyɛɛ wɔn asaase so ma;+
  Wɔbaa ahemfie mpia mu mpo.
  
  31 Ɔkaa sɛ ahuriiɛ* mmɛhyɛ asaase no so ma,
  Na ntummoa mmra wɔn asaase no so nyinaa.+
  
  32 Ɔde asukɔtweaa yɛɛ nsuo tɔ guu wɔn so,
  Na ɔmaa anyinam* pae guu wɔn asaase so.+
  
  33 Ɔsɛee wɔn bobe ne wɔn borɔdɔma nnua,
  Na ɔbubuu wɔn asaase so nnua nyinaa.
  
  34 Ɔkaa sɛ ntutummɛ mmɛhyɛ asaase no so ma,
  Ntutummɛ mma a wɔn dodoɔ nni ano.+
  
  35 Wɔwee asaase no so nhaban nyinaa;
  Na wɔn mfuo mu nnɔbaeɛ nso, wɔweeɛ.
  
  36 Ɛnna ɔkunkum wɔn asaase so mmakan nyinaa,+
  Wɔn ahoɔden mfitiaseɛ no.