31 Nyɛ biribi a ɛte saa wɔ Yehowa wo Nyankopɔn anim, ɛfiri sɛ deɛ Yehowa wo Nyankopɔn kyiri na ɛyɛ no tan nyinaa na wɔyɛ ma wɔn anyame. Wɔde wɔn mma mmarima ne wɔn mma mmaa mpo bɔ afɔreɛ wɔ gya mu ma wɔn anyame.+

16 Remalia ba Peka ahennie afe a ɛtɔ so 17 mu no, Yuda hene Yotam ba Ahas+ bɛdii hene.

3 Israel ahemfo akwan so na ɔfaeɛ.+ Afei nso, ɔhyee ɔno ara ne ba mpo wɔ gya mu;*+ enti akyiwadeɛ a amanaman a Yehowa pamoo wɔn firii Israelfoɔ anim yɛeɛ no,+ ɛno ara bi na ɔyɛeɛ.

17 Afei nso, wɔhyee wɔn mma mmarima ne wɔn mma mmaa wɔ gya mu,*+ na wɔhyehyɛɛ abosonkɔm+ kɔɔ abisa, na wɔsii wɔn bo* sɛ wɔbɛyɛ Yehowa ani so bɔne de ahyɛ no abufuo.

18 Enti Yehowa bo fuu Israel paa, na ɔpoo wɔn koraa.+ Wamma obiara anka asaase no so, gye Yuda abusuakuo no nko ara.

30 ‘Ɛfiri sɛ Yudafoɔ ayɛ bɔne wɔ m’ani so,’ Yehowa asɛm nie. ‘Wɔde wɔn abosom fĩ no akɔsisi efie a me din da so no mu de agu ho fĩ.+ 31 Wɔasisi Tofet sorɔnsorɔmmea* wɔ Hinom Ba Bɔn*+ no mu, sɛdeɛ ɛbɛyɛ a wɔbɛhye wɔn mma mmarima ne wɔn mma mmaa wɔ egya mu.+ Nanso menhyɛɛ wɔn saa, na ɛmmaa m’akomam mpo da.’*+

20 Daabi; mmom deɛ mereka ne sɛ afɔreɛ a amanaman no bɔ no, wɔbɔ ma ahonhommɔne,* na ɛnyɛ Onyankopɔn;+ na mempɛ sɛ mo ne ahonhommɔne bom yɛ biribiara.+