Mmebusɛm
4 Biribiara a Yehowa ayɛ no, wayɛ sɛdeɛ ɛbɛyɛ a ɛbɛma n’atirimpɔ abam,
Ɔbɔnefoɔ mpo, ɔwɔ hɔ ma da bɔne.+
5 Yehowa akyiwadeɛ ne obiara a ɔyɛ ahantan wɔ akomam.+
Hunu sɛ,* ɔremfa ne ho nni.
6 Wɔde ɔdɔ a ɛnni hwammɔ ne nokorɛdie na ɛpata mfomsoɔ,+
Na Yehowa suro na ɛma obi dane firi bɔne ho.+
8 Adeɛ ketewa a tenenee bata ho no,+
Ɛyɛ sene akatua kɛseɛ a atɛntenenee nni mu.+
11 Adeɛ a wɔde susu nneɛma ne nsenia* a ɛdi mu firi Yehowa hɔ;
Nkariboɔ a ɛwɔ kotokuo mu nyinaa yɛ ne nsa ano adwuma.+
13 Ahemfo ani sɔ kasa a ɛtene.
Wɔdɔ obiara a ɔka nokorɛ.+
16 Ɛyɛ koraa sɛ wobɛnya nyansa sene sɛ wobɛnya sika kɔkɔɔ!+
Ɛyɛ sɛ wobɛfa nteaseɛ sene sɛ wobɛfa dwetɛ.+
17 Ateneneefoɔ kwantempɔn mane firi bɔne ho.
Obiara a ɔhwɛ ne kwan yie no kora ne nkwa* so.+
19 Ɛyɛ sɛ wobɛbrɛ wo ho ase* wɔ wɔn a wɔdwoɔ mu+
Sene sɛ wo ne ahantanfoɔ bɛkyɛ nneɛma a wɔagye afiri nkurɔfoɔ nsam.
20 Deɛ ɔda nhunumu adi wɔ asɛm mu no, ɛbɛsi no yie;
Anigyeɛ ne deɛ ɔde ne ho to Yehowa so.
21 Deɛ ɔyɛ onyansafoɔ wɔ akomam no, wɔbɛfrɛ no nteaseɛ,+
Na deɛ n’anom kasa yɛ dɛ* no, nkurɔfoɔ tie no.+
22 Nhunumu yɛ nkwa asutire ma wɔn a wɔwɔ nhunumu,
Na nkwaseafoɔ deɛ, wɔn ankasa nkwaseasɛm na ɛtene wɔn so.
28 Onipa gyegyefoɔ* sɛe nnipa ntam,+
Na deɛ ɔsɛe nkurɔfoɔ din no, ɔtete nnamfoɔ a wɔbɔ kosua tafere ntam.+
29 Wudini daadaa ne yɔnko,
Na ɔde no fa ɛkwan a ɛnyɛ so.
30 Ɔrebɔ pɔ bɔne nyinaa, na ɔrebobɔ n’ani.
Ɔredi bɔne nyinaa, na ɔrewe n’ano.