Mmebusɛm
16 Akoma mu nsusuiɛ yɛ ɔdasani dea,+ na kɛtrɛma mmuaeɛ firi Yehowa.+
2 Onipa akwan nyinaa ho te wɔ n’ani so,+ nanso Yehowa na ɔkari nsusuiɛ.+
3 Dane wo nnwuma gu Yehowa so,+ na wo nhyehyɛeɛ bɛtim.+
4 Biribi nti na Yehowa ayɛ adeɛ nyinaa;+ ɔbɔnefoɔ mpo, ɔwɔ hɔ ma da bɔne.+
5 Akoma mu ɔhantanni yɛ Yehowa akyiwadeɛ,+ na nsa tɔ nsayam mpo a, onipa remfa ne ho nni.+
6 Wɔde adɔeɛ ne nokorɛ na ɛpata mfomsoɔ,+ na Yehowa suro na ɛma onipa dane firi bɔne ho.+
7 Sɛ onipa akwan sɔ Yehowa ani a,+ ɔma n’atamfo mpo ne no tena asomdwoeɛ mu.+
8 Tenenee mu ade ketewa yɛ+ sene nnɔbaeɛ pii a atɛntenenee nni mu.+
9 Ɔdasani akoma hyehyɛ ne kwan,+ na Yehowa na ɔkyerɛ n’anammɔn kwan.+
10 Onyankopɔn adwene na ɛsɛ sɛ ɛtena ɔhene anom;+ ɛnsɛ sɛ n’ano kyea atemmuo.+
11 Susudeɛ ne nsania a ɛyɛ pɛ yɛ Yehowa dea;+ kotokuo mu abrammoɔ nyinaa yɛ ne nsa ano adwuma.+
12 Amumuyɔsɛm ne ahemfo akyiwadeɛ,+ na tenenee mu na ahennwa tim.+
13 Tenenee ano ma ɔhenkɛseɛ ani gye;+ na onipa a ɔka deɛ ɛtene na ɔdɔ no.+
14 Ɔhene abufuo te sɛ owuo abɔfoɔ,+ na onyansafoɔ na ɔsi ano.+
15 Ɔhene animteɛ mu na nkwa wɔ,+ na n’adom te sɛ osutɔberɛ+ mu mununkum.
16 Nyansa nya deɛ, O hwɛ sɛdeɛ ɛyɛ sene sika!+ Na nteaseɛ, sɛ obi fa a, ɛyɛ sene dwetɛ.+
17 Teefoɔ tempɔn ne bɔne kwatie.+ Deɛ ɔhwɛ ne kwan no kora ne kra so.+
18 Ahantan di ɔsɛeɛ anim,+ na ahomasoɔ honhom di asehweɛ anim.+
19 Ɛyɛ sɛ wo ne ahobrɛasefoɔ bɛnya ahobrɛaseɛ honhom+ sene sɛ wo ne ahomasofoɔ bɛkyɛ asadeɛ.+
20 Deɛ ɔda nhunumu adi wɔ asɛm mu no, ɛbɛsi no yie;+ anigyeɛ ne deɛ ɔde ne ho to Yehowa soɔ.+
21 Akoma mu nyansafoɔ na wɔbɛfrɛ no nteaseɛ,+ na deɛ n’anom kasa yɛ dɛ na nkurɔfoɔ tie no.+
22 Nhunumu yɛ nkwa nsutire+ ma ne wura; na nkwaseafoɔ ntenesoɔ yɛ nkwaseasɛm.+
23 Onyansafoɔ akoma ma n’ano da nhunumu adi,+ na ɛma n’anom kasa yɛ dɛ.+
24 Nsɛm a ɛyɛ dɛ yɛ ɛwoɔkyɛm;+ ɛyɛ ɔkra dɛ na ɛsa nnompe yareɛ.+
25 Ɛwɔ ɛkwan bi a ɛtene onipa ani soɔ,+ nanso n’awieeɛ yɛ owuo kwan.+
26 Deɛ ɔpɛ adwuma no kra yɛ adwumaden ma no,+ ɛfiri sɛ n’ano regye adi.+
27 Ohuhuni bɔre hwehwɛ bɔne,+ na n’ano te sɛ egya a ɛhyehyeɛ.+
28 Onipa kɔntɔnkye toto nnipa ntam,+ na deɛ ɔsɛe nkurɔfoɔ din no tete nnamfoɔ ntam.+
29 Omumuyɔfoɔ daadaa ne yɔnko,+ na ɔma no fa kwan a ɛnyɛ so.+ 30 Ɔbubu n’ani de bɔ pɔ bɔne.+ Ɔwe n’ano de di bɔne.
31 Atifi dwono, sɛ wɔhunu no tenenee kwan so a,+ ɛyɛ abotire a ɛyɛ fɛ.+
32 Deɛ ne bo kyɛre fuo no yɛ sene dɔmmarima,+ na deɛ ɔdi ne honhom soɔ yɛ sene deɛ ɔko fa kuro.+
33 Onipa srɛ so na wɔtwe ntonto,+ nanso deɛ ɛfiri mu ba biara firi Yehowa.+