Yesaia

Mede me honhom ahyɛ ne mu;+

Ɔde atɛntenenee bɛbrɛ amanaman no.+

 2 Ɔrenteam na ɔremma ne nne so,

Na ɔremma obiara nte ne nne wɔ abɔnten so.+

 3 Ɔremmu demmire* a abuka biara mu,

Na ɔrennum ntomaban a ɛrefiri wisie biara.+

 4 Ɔrengo na ɔremmoto kɔsi sɛ ɔde atɛntenenee bɛba asaase so;+

Na nsupɔ bɛtwɛn ne mmara.*

 5 Yehowa ne nokorɛ Nyankopɔn a ɔbɔɔ ɔsoro.

Ɔno ne Opumpuni a ɔtwee mu.+

Ɔno na ɔtrɛɛ asaase ne ɛso nneɛma mu.+

Ɔde home ma nnipa a wɔte so,+

Na ɔde honhom ma wɔn a wɔnam so no.+ Deɛ waka nie:

 6 “Me, Yehowa, mafrɛ wo tenenee mu,

Na masɔ wo nsa.

Mɛbɔ wo ho ban na mede wo ayɛ apam ama nnipa,+

Na mede wo ayɛ hann ama aman,+

 7 Na woabue anifirafoɔ ani,+

Na woayi nneduafoɔ afiri afiase,

Na woayi wɔn a wɔte sum mu afiri afiase.+

 8 Mene Yehowa. Me din ne no;

Meremfa m’animuonyam mma obiara,*

Na m’ayeyie nso, meremfa mma ahoni.+

 9 Hwɛ, deɛ ɛdi kan no aba mu;

Afei mereka nsɛm foforɔ.

10 Monto dwom foforɔ mma Yehowa,+

Monyi no ayɛ mfiri asaase ano,+

Mo a monam po so ne deɛ ɛwom nyinaa,

Nsupɔ ne mo a motete so.+

11 Momma ɛserɛ ne ne nkuro mma wɔn nne so,+

Nkuraa a Kedar+ te so.

Momma wɔn a wɔtete abotan mu nni ahurisie;

Momma wɔnteam dendeenden mfiri mmepɔ atifi.

12 Momma wɔnhyɛ Yehowa animuonyam,

Na wɔnyi no ayɛ nsupɔ so.+

Ɔbɛteam, ɔbɛteam dendeenden;

Ɔbɛkyerɛ sɛ ne ho yɛ den sene n’atamfo.+

Afei mɛpene sɛ ɔbaa a ɔrewo,

Mɛhome hahyeehahyee, na matwe mframa; mɛyɛ ne nyinaa prɛko pɛ.

15 Mɛsɛe mmepɔ ne nkokoɔ,

Na mɛma ɛso afifideɛ nyinaa ahye.

Mɛma nsubɔnten adane nsupɔ,*

Na mama atadeɛ* awewe.+

16 Mede anifirafoɔ bɛfa ɛkwan a wɔnnim soɔ so,+

Na mɛma wɔafa ɛkwan a wɔmfaa so da so.+

Esum a ɛda wɔn anim no, mɛma adane hann,+

Na baabi a ɛhɔ yɛ mmonkyimmɔnka no, mɛma adane asaasetraa.+

17 Wɔn a wɔde wɔn ho to ahoni a wɔasene so,

Wɔn a wɔka kyerɛ dadeɛ ahoni* sɛ: “Mone yɛn anyame”+ no,

Wɔbɛma wɔasan wɔn akyi, na wɔn ani bɛwu pɔtɔɔ.

18 Mo a mo aso asi, montie;

Mo a mo ani afira,+ monhwɛ na monhunu.

19 Hwan na n’ani afira sene m’akoa,

Na n’aso asi sene deɛ mesoma no no?

Hwan na n’ani afira sene deɛ wɔatua no ka,

Na n’ani afira sene Yehowa akoa?+

21 Yehowa tenenee nti,

N’ani gyee ho sɛ ɔbɛma mmara* no ayɛ kɛse na anya animuonyam.

22 Nanso wɔyɛ nnipa a nkurɔfoɔ afom wɔn de wɔn kɔ;+

Wɔn nyinaa aka ntokuro mu, na wɔde wɔn asie afiase.+

Wɔafom wɔn de wɔn kɔ, na ɔgyefoɔ biara nni hɔ;+

Wɔafom wɔn de wɔn kɔ, na obiara nni hɔ a ɔbɛka sɛ: “Momfa wɔn mmra!”

24 Hwan na ɔmaa kwan maa wɔfom Yakob nneɛma,

Na ɔde Israel hyɛɛ nkurɔfoɔ a wɔfom nneɛma no nsa?

Wɔamfa n’akwan so,

Na wɔantie Ne mmara.*+

25 Enti ɔkɔɔ so hwiee abufuhyeɛ,

N’abufuo, ne ɛko a ano yɛ den guu ne so.+