Ma W’ani Mmra Wo Nkyerɛkyerɛ so Bere Nyinaa
1 Teokrase Ɔsom Sukuu dwumadi foforo no befi ase January 1995. Dɛn na ɛyɛ foforo wɔ dwumadi no mu? Asɛm a wobesusuw ho wɔ ɔkyerɛkyerɛ kasa no dodow no ara mu ne Yehowa ahyehyɛde a ɛwɔ hɔ nnɛ no ho abakɔsɛm a ɛyɛ anigye no. Wɔ afe no mu no, wobesusuw Jehovah’s Witnesses—Proclaimers of God’s Kingdom nhoma no nkratafa 178 ho. Esiane sɛ wommisa nsɛm biara wɔ ɔkyerɛkyerɛ kasa a egyina Proclaimers nhoma no so akyi nti, dɛn na yebetumi ayɛ ama yɛn ani aba yɛn nkyerɛkyerɛ so na ama mfaso a efi mu ba no adɔɔso?—1 Tim. 4:16.
2 Ɛwom sɛ nnipa pii akenkan Proclaimers nhoma no dedaw de, nanso emu nsɛm no a yebesusuw ho wɔ sukuu dwumadi no mu no bɛboa obiara ma n’ani asɔ ne teokrase agyapade no kɛse mpo.—Dw. 71:17, 18.
3 Ɔkyerɛkyerɛ Kasa Ahorow a Emu Yɛ Hyew na Ɛyɛ Anigye: Ɛsɛ sɛ wɔma kasa ahorow a egyina Proclaimers nhoma no so no ɔhyew ne anigye so. Ɛsɛ sɛ wosi asɛm no so mfaso ankasa so dua ma obu a yɛwɔ ma Yehowa ahyehyɛde no ne hokwan ahorow a yenya sɛ Onyankopɔn asomfo no ho anisɔ a yɛwɔ no yɛ kɛse. Sɛ abusua biara a wɔba Sukuu dwumadi no ase de Proclaimers nhoma no bi ba nhyiam no ase a, abusua mufo betumi adi ɔkyerɛkyerɛ kasa no akyi yiye na wɔanya nhoma no mu mfonini ahorow no so mfaso.
4 Bible Akenkan Ahorow a Ɛkanyan Adwene: Akenkan a wodi ho dwuma yiye na wosi adwene a ɛwom so dua yiye, na nkate wom yɛ ɔkyerɛkyerɛ a etu mpɔn fã a ɛho hia. Ɛsɛ sɛ Ɔkasa a Ɛto so 2 no nnianim kanyan atiefo na n’awiei yɛ nea wɔasiesie no yiye.
5 Wobetumi ahu nsɛm afoforo a ɛfa sukuu dwumadi no ne ɔkwan a ɛsɛ sɛ wɔfa so yɛ dwumadi ahorow no ho wɔ “Theocratic Ministry School Schedule for 1995” [1995 sukuu dwumadi krataa] no mu. Yɛ ahosiesie a edi mu ma Teokrase Ɔsom Sukuu no.