Nea Yɛbɛka Afa Nsɛmma Nhoma Ho

Ɔwɛn-Aban Sept. 1

“Yɛn nyinaa pɛ sɛ yɛn ani gye. Wususuw sɛ nneɛma a wɔabobɔ din wɔ ha yi betumi ama yɛanya anigye ankasa? [Kenkan Mateo 5:4a, 6a, 10a. Afei twɛn ma ommua.] Nsɛmma nhoma yi kyerɛkyerɛ Bepɔw so Asɛnka a nnipa pii nim yi mu. Ɛsan ka ade foforo a ɛbɛma obi anya anigye no ho asɛm.”

Nyan! Sept. 8

“Wobu akontaa sɛ wiase nnipa 4 biara mu 1 benya adwenemyare wɔ n’asetra bere bi mu. Yɛn mu pii nim obi a adwenemyare yi nti, ɔrehu amane. [Bue ɔfã a ɛka asɛm yi.] Asɛm yi de nyansahyɛ a mfaso wɔ so a ɛkyerɛ yɛn nea yebetumi ayɛ bere a obi a yɛdɔ no akɔ tebea a ɛte saa mu no ma.”

Ɔwɛn-Aban Sept. 15

“Nnipa ɔpepem pii de nsɛm a wonim no yiye yi ka wɔn mpaebɔ ho. [Kenkan Mateo 6:10.] Wususuw sɛ, sɛ Onyankopɔn apɛde ayɛ hɔ wɔ asase so a, anka asetra te dɛn? [Twɛn ma ommua.] Nsɛmma nhoma yi kyerɛkyerɛ Awurade Mpaebɔ no fã biara mu. Nea yɛkenkan no seesei ara no nso ka ho.”

Nyan! Sept. 22

“Sɛnea mmabun dodow no ara de wɔn ho ahyɛ asanom bebrebe mu no haw nnipa pii. Woate ho asɛm anaa? [Twɛn ma ommua. Afei kenkan Mmebusɛm 20:1.] Mmabun a wɔnom nsa bebrebe no hyia asiane pii. Nsɛmma nhoma yi kura nsɛm a ebetumi aboa wɔn ma wɔako atia nhyɛso a ɛma wɔnom mmosa pii no.”