Nea Wode Rema no Fata?

Eyi yɛ asɛm a ɛho hia sɛ yebisa yɛn ho bere a yɛpɛ sɛ yɛde nhoma bi ma no. Sɛ yɛde nhoma biara rema na sɛ ano no apompono, ayɛ fĩ, nneɛma akeka mu, anaasɛ atetew a, ɛremma wɔnka yɛn ahyehyɛde no ho asɛmpa, na ebeyi ofiewura no adwene afi nkwagye asɛm a ɛyɛ dɛ a ɛwɔ nhoma no mu no so.

Yɛbɛyɛ dɛn ama yɛn nhoma ho atew? Nnipa pii ahu sɛ sɛ wɔhyehyɛ nhoma ahorow yiye wɔ wɔn asɛnka bag mu a, ɛboa wɔn paa. Sɛ nhwɛso no, wɔwɔ baabi a wɔde nhoma, nsɛmma nhoma, nhomawa, nkratawa, ne nea ɛkeka ho hyehyɛ. Sɛ wɔde wɔn Bible ne nhoma ahorow rehyɛ wɔn bag mu a, wɔhwɛ yiye sɛnea ɛbɛyɛ a ɛremmoammoa. Adawurubɔfo binom wɔ kotoku ahorow a wɔde wɔn nsɛmma nhoma hyehyɛ mu. Ɛmfa ho ɔkwan a yɛfa so kora yɛn nhoma so biara no, yɛmpɛ sɛ yɛde nhoma a ɛmfata bɛma obi na wannya biribi annyina so anka yɛn asɛnka adwuma no ho asɛmmɔne.—2 Kor. 6:3.