Nsɛm a Yebetumi Aka

De afi Bible adesua ase wɔ Memeneda a edi kan wɔ September mu

“Mikyia wo. Yɛaba sɛ yɛne wo rebesusuw ɔkwampa a awarefo bɛfa so anya anigye ho tiawa. Wohwɛ a, dɛn paa na ɛtaa de ɔhaw ba aware mu?” [Twɛn ma ommua.] Fa asɛm a ɛwɔ September 1 Ɔwɛn-Aban no akyi kyerɛ no, na munsusuw asɛm a ɛwɔ asɛmmisa a edi kan no ase ne anyɛ yiye koraa no emu kyerɛw nsɛm no mu biako ho. Fa nsɛmma nhoma no ma no, na yɛ nhyehyɛe san kɔsra no na munsusuw asɛmmisa a edi hɔ no ho.

Ɔwɛn-Aban September 1

“Nea enti a yɛaba ha ne sɛ, nnipa a wɔte yɛn mpɔtam ha no mu pii nte nea enti a Onyankopɔn ma kwan ma amanehunu kɔ so no ase. So woasusuw asɛm yi ho pɛn? [Twɛn ma ommua.] Anigyesɛm ne sɛ Bible hyɛ bɔ sɛ bere bi bɛba a awerɛhow ne yawdi befi hɔ. [Kenkan Adiyisɛm 21:4.] Nsɛmma nhoma yi ma yehu nneɛma atitiriw anum a enti amanehunu abu so saa no. Ɛsan ma yehu nea Bible ka sɛ Onyankopɔn bɛyɛ de ayi amanehunu afi hɔ no ho asɛm.”

Nyan! September

“Ebinom susuw sɛ mfomso biara nni ho sɛ obi de ne ho bɛhyɛ nna mu ansa na waware. Ebinom nso bu no sɛ ɛyɛ bɔne, na wɔtwe adwene si kɔkɔbɔ bi te sɛ nea ɛwɔ Bible mu yi so. [Kenkan 1 Tesalonikafo 4:3.] Wo nso wuhu ɔbra a ɛte saa no dɛn? [Twɛn ma ommua.] Nsɛmma nhoma yi ma yehu nea Bible no ka wɔ obi a ɔde ne ho hyɛ nna mu ansa na waware ho.”