Yehowa Ahyehyɛ Ne Nkurɔfo Sɛnea Ɛbɛyɛ a Wɔbɛka Asɛmpa No Akyerɛ Obiara

Sɛnea Yehowa hyehyɛɛ Israelfo no, ɛnnɛ nso wahyehyɛ ne nkurɔfo de adwuma ahyɛ wɔn nsa. Enti yɛwɔ Betel ahorow, amansin ahorow, asafo ne asɛnka akuw ahorow wɔ wiase nyinaa. Saa nhyehyɛe yi boa ma yɛyɛ adwuma bom na yɛatumi aka asɛmpa no. Yɛka asɛmpa no kyerɛ obiara. Yehyia obi a yɛne no nka kasa baako mpo a, yɛka bi kyerɛ no.​—Adi 14:6, 7.

W’ani begye ho sɛ wubesua kasa foforo sɛnea ɛbɛyɛ a wobɛka asɛmpa no akyerɛ obi a ɛsono ne kasa anaa? Ebia w’ani gye ho, nanso wunni bere. Sɛ saa a, wubetumi de JW Language app no asua nsɛm ntiantiaa a wubetumi de afi nkɔmmɔbɔ ase. Sɛ wutumi yɛ saa a, anigye a afeha a edi kan Kristofo no nyae no, wo nso wubetumi anya bi. Bere a wɔkaa “Onyankopɔn nneɛma akɛse no ho asɛm” kyerɛɛ nnipadɔm no, wɔn ani gyei paa.​—Aso 2:7-11.

HWƐ VIDEO A YƐATO DIN BRA BƐYƐ YEHOWA ADAMFO​—KA ASƐM NO KYERƐ WƆN A ƐSONO WƆN KASA NO. WUWIE A, BUA NSƐMMISA A EDIDI SO YI:

• 

  Bere bɛn na wubetumi de JW Language app no ayɛ adwuma?

• 

  Nneɛma bɛn na ɛwɔ app no mu?

• 

  Kasa ahorow bɛn na nkurɔfo ka wɔ mo asasesin mu?

• Sɛ obi a ɛsono ne kasa kyerɛ Ahenni asɛmpa no ho anigye a, dɛn na ɛsɛ sɛ yɛyɛ?​—od 100-101 ¶39-41