Kʼusi xuʼ jchanbetik skʼoplal

¿Mi achanoj lek k’utik yelan chalbe smelolal junantik teksto li ta Saʼobil sventa xchanik mas li stestigotak Jeovae?

Ti kʼutik yelan te chalbe smelolale jaʼ tskoltaot sventa xavojtikin mas li Vivliae. Li kʼusi te chale tsjambe smelolal junuk versikulo, ti kʼu yuʼun laj yichʼ tsʼibaele, buchʼutik sventa xchiʼuk kʼusi skʼan xal jpʼeluk kʼop.

Mi chachan Avivlia ta VIVLIOTEKA TA INTERNET yuʼun Watchtower^™ o li ta aplikasion JW Library^®, te chata vunetik li ta Saʼobil sventa xchanik mas li stestigotak Jeovae. Mu ventauk kʼusi Vivliail chatunes, xuʼ te xata vunetik mi yichʼoj tal li versikuloe.

Kʼelbo sfechail li vunetike. Li mas achʼike jaʼ ta akʼol noʼox chvinaj, li ta olone jaʼ mas xa voʼneik. Teuk me ta ajol li mas voʼneike, xuʼ van oy kʼusi ti jelel toʼox chalbe smelolale.

• Li ta VIVLIOTEKA TA INTERNET yuʼun Watchtower te xa chvinaj tal stuk li Saʼobil sventa jchantik mase.

• Sventa xakʼel li vunetik ta JW Library, yaleso li foyeto Saʼobil sventa xchanik mas li stestigotak Jeovae xchiʼuk achʼubtaso mi chal ti skʼan achʼubtasel chavile. Jaʼ xanetʼ li boton te set-set chvinaj ta sbae.