Lekil aʼyej sventa krixchanoetik

Laj yakʼbe yip xchiʼuk stsatsal yoʼonton yajtsʼaklomtak kʼalal chaʼkuxi li Jesuse. Jaʼ yuʼun, li jtakbol Pabloe xanav ta sjunul Asia Menor xchiʼuk ta Nab Mediterráneo, la slikes tsobobbailetik xchiʼuk la stsatsubtas yajtsʼaklomtak Cristo sventa stsal yuʼunik li sujel ta spasel kʼusi chopole xchiʼuk ti tstaik nutsele. Ep kʼotik ta yajtsʼaklom Cristo akʼo mi toj tsots li vokolile.

Ta tsʼakale tikʼat ta chukel li Pabloe. Akʼo mi te ta chukinab, la stsʼibabe karta stsobobbail yajtsʼaklom Cristo sventa tspatbe yoʼontonik xchiʼuk tstojobtasan. Laj yakʼ jun pʼijubtasel ta skoj ti oy kʼusi xibal sbae: ti lik ayanuk li jvalopatinej mantaletike. Ta skoj ti akʼbat snaʼ yuʼun xchʼul espiritu Dios li Pabloe, laj yal ti oy «toj chopol cʼusi chalic» «jtiʼval oqʼuiletic» ti chkʼot «tsloʼlaic batel li jchʼunolajeletique» (Hechos 20:29, 30).

Ta slajebaltik li baʼyel sigloe, lik li jvalopatinej mantaletike. Jaʼtik-o van taje, li Juane oy kʼusi akʼbat yil yuʼun Jesús kʼalal chaʼkuxiem xaʼoxe, jaʼ ti kʼusi chkʼot ta pasel ta tsʼakale. Jech kʼuchaʼal la stsʼiba ta tsʼakal li Juane, li jecheʼ jchanubtasvanejetik xchiʼuk jkontrainvanejetike mu xjel yuʼunik kʼusi tskʼan tspas Dios ta sventa li Balumil xchiʼuk krixchanoetike. Ta xaʼiik lekil aʼyej ta sventa Ajvalilal yuʼun Dios ta «jujun banamil, ta jujuchop stsʼunubalic, ta jujuchop cʼop, xchiʼuc ta jujun lum» (Apocalipsis 14:6). ¡Li buchʼutik tspasik kʼusi tskʼan yoʼonton Diose xuʼ me skʼupinik ti chkʼataj ta paraiso li Balumile!

¿Mi lekil aʼyej xanaʼ taje? Mi jeche, chano mas kʼusi chalbutik Dios ti te ta jtatik ta Vivliae xchiʼuk te chal xtok kʼuxi xuʼ jtabetik sbalil avi xchiʼuk ta mas jelavel.

Xuʼ xakʼel Vivlia ti oy van ta 50 kʼopetik li ta Internete, ta www.jw.org. Xuʼ te xata xtok li foyeto Li Vivliae, ¿kʼusitik chalbe skʼoplal?, Lekil aʼyejetik yakʼoj Dios xchiʼuk xuʼ te xata li livro ¿Kʼusi chchanubtasvan ta melel li Vivliae?, jech xtok oy yan vunetik ti chalbe skʼoplal kʼu yuʼun xuʼ jpat koʼontontik ta Vivliae, ti kʼuxi xuʼ xkakʼ ta jkuxlejaltik ta jujuntal li tojobtaseletike xchiʼuk li ta kutsʼ kalaltik xtoke. O xuʼ xajakʼbe junuk stestigo Jeova mi chakʼanbe to mas yaʼyejale.

(Te lokʼem ta Hechos, Efesios, Filipenses, Colosenses, Filemón, 1 Juan, Apocalipsis.)