Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun fevreroe

«Kʼalal chakʼ jmotontik li buchʼu xkʼuxubinojotike, ep sbalil chkiltik. Li Dios eke skʼanojutik xchiʼuk ep matanal yakʼojbutik. Pe, ¿bu junukal ti mas tsots skʼoplal xanaʼe?» Akʼo stakʼ xchiʼuk tojbo ta vokol li kʼusi chale. Mi laje kʼelbo Mateo 20:28 sventa xavakʼbe yil ti matanal mas tsots skʼoplal yakʼojbutik Diose jaʼ ti laj yakʼ sba ta matanal li Xnichʼone. Akʼbo yil ti ta kapitulo 5 ta livro Chchanubtasvane chalbe skʼoplal li pojelale. Akʼbo li livroe, vaʼun albo ti chasut yan velta sventa chachanike.

Li Jkʼel osil ta toyole Enero-marso

«Xuʼ van avakʼoj venta ti toj tsots chaʼi totil meʼiletik sventa lekuk tsobol li yutsʼ yalale, mas to mi chexik xaʼox li skerem o stsebetike. ¿Kʼusi skʼan spas xanaʼ sventa mu xnamaj ta stojolal xnichʼon li totile?» Akʼo stakʼ xchiʼuk tojbo ta vokol li kʼusi chale. Mi laje akʼbo yil li revistae xchiʼuk chanik li baʼyel chib parafo ta pajina 12 yoʼ bu chal, «Koltao ti oyuk sbalil chaʼi sbae». Kʼelbo xchiʼuk albo skʼoplal Mateo 3:17. Akʼbo li revistae, vaʼun albo ti chasut yan velta sventa chachanik mase.

¡Despertad! Fevrero

«Li Internete toj jtunel sventa xuʼ jtatik ta kʼoponel yan krixchanoetik. Pe, ¿mi skʼan van xkichʼ jpʼijiltik xanaʼ? [Akʼo stakʼ.] Li Vivliae chakʼ beiltaseletik ti jtunel sventa xuʼ jchabi jbatike. [Saʼo li pajina 6 kʼalal ta 9, tʼujo junuk sjakʼobil sventa xachanik xchiʼuk li teksto te yichʼoj tale.] Li revista liʼe tskoltaot sventa mu xakʼot ta vokol li kʼopojebaletik ta Internete.»