Яритилиштин, Топан сүйи кәлгичә

Асман вә йәр қандақ пәйда болған? Қуяш, ай вә юлтузлар, шуниңдәк йәр йүзидики барчә нәрсиләр қәйәрдин кәлгән? Муқәддәс Китап җавап берип: уларни Худа яратқан, дәйду. Шуңа, бу китавимиз яритилиш тоғрисидики Муқәддәс Китап һекайиси билән башлиниду.

Худаниң тунҗа болуп яратқини, өзигә охшаш роһий шәхсләр екәнлигини үгинимиз. Йәни улар периштәләрдур. Бирақ, йәр шари бизгә охшаш инсанларниң һаят кәчүрүши үчүн яритилған еди. Шуңа, Пәрвәрдигар әр билән аял, йәни Адәм ата билән Һава анини яритип, чирайлиқ бир баққа маканлаштурди. Амма, улар Яратқучиға бойсунмиди, шуңа уларниң мәңгү яшаш һоқуқи йоқ болди.

Адәм атиниң яритилишидин Топан баласи йәни бәкму чоң кәлкүн сүйи йетип кәлгичә, 1656 жил өткән еди. Шу мәзгилдә, яманлиқ қилғучилар көпийип кәтти. Асманда, көзгә көрүнмәйдиған роһий шәхсләр, йәни Шәйтан вә униңға әгишидиған яман периштәләр пәйда болди. Йәр йүзидә, Қабил вә башқа яман кишиләр пәйда болуп, һәтта бәзи әрләр алаһидә күчтүңгүр кишиләр еди. Амма, йәр йүзидә Һабил, Һанух вә Нуһ дегәндәк яхши адәмләрму бар еди. 1-қисимда, биз шу кишиләр вә йүз бәргән ишлар һәққидә оқуймиз.