Адәм билән Һава җәннәттә қандақ турмуш кәчүргән?

Пәрвәрдигар Йәһва Адәм ата билән Һава анини нурғун нәрсиләргә егә қилған (Яритилиш 1:28).

Йәһва Худа тунҗа аял Һава анини яритип, уни Адәм атиниң аяли болуши үчүн бәргән (Яритилиш 2:21, 22).

Йәһва уларни әқил-һоши җайида, тени сағлам, мукәммәл қилип яратқач, уларда һеч қандақ нуқсан йоқ еди.

Уларниң жут-макани Ерәм бағ болуп, у җайда дәрия вә һәр хил мевилик дәрәқ вә һайванатлар бар болуп, гөзәл макан еди.

Йәһва уларға сөз қилип тәлим бәрди. Әгәр улар Худаниң Сөзигә қулақ салған болса, йәр йүзидики җәннәт макан Ерәм беғида мәңгү яшиған болатти.

Худа бир дәрәқниң мевисидин йемәсликни буйруған (Яритилиш 2:16, 17).

Йәһва бағдики бир мевилик дәрәқни Адәм ата билән Һава аниға көрсәткән, һәм әгәр улар шу дәрәқниң мевисидин йесә, уларниң өлидиғанлиғини ейтқан еди.

Периштәләр арисидики бири Худаға қарши исиян көтәргән. Шу яман периштә болса Иблис Шәйтандур.

Шәйтан, Адәм ата билән Һава аниниң Йәһва Худаниң сөзигә қулақ салмаслиғини үмүт қилған. Шуңа, у иландин пайдилинип, Һава аниға әгәр шу мевидин йесә, униң өлмәй, әксичә Худаға охшаш болидиғанлиғини ейтқан. Әмәлиятта, у ялған ейтқан еди (Яритилиш 3:1—5).