Ko He Tokoni ʼAoga Moʼo Teuteuʼi Ai Tatou Ki Te Fai Faka Mafola
1 Neʼe kua koutou lotolotolua koa ʼi te kau ki niʼihi faʼahi ʼo te fai faka mafola koteʼuhi ʼe mole koutou ʼiloʼi pe ʼe feafeaʼi takotou palalau? Kapau ʼe koutou ʼio ki ai, ʼe matou tui ʼe koutou leleiʼia ānai te ʼu tokoni ʼe tuʼu ʼi Te minisitelio ʼo te Puleʼaga.
2 Ko te minisitelio ʼo te Puleʼaga ʼe ina tuku mai ni ʼu fakatuʼutuʼu moʼo fakahā te logo ʼo te Puleʼaga ʼi te gāue ʼaē ko te ʼalu ʼi te ʼu ʼapi, lolotoga ʼo te fai ʼo te ʼu ʼaʼahi foʼou, pe ʼe ko te fai ʼo he ako faka tohi-tapu. ʼE ina tokoniʼi ānai koutou ke koutou fakakaukauʼi te ʼu faʼahiga palalau ʼe kotou leleiʼia moʼo fakaʼaogaʼi ʼi te minisitelio. ʼI takotou teuteu, koutou fili he fakahā ʼe ʼaoga ki tokotou telituale. ʼOsi ʼaia pea koutou toe vakaʼi leva pe ʼe koutou fakaʼaogaʼi ānai te ʼu kupuʼi palalau ʼaē ʼi te alatike, pe ʼe koutou faiga ki he fahaʼi ke ʼalu tahi mo te hahaʼi ʼe felogoʼi ānai mo koutou, pe ʼe ke ʼalu tahi mo koutou. Kapau ʼe koutou palalau ohage ko takotou aga māhani, pea ko takotou fakahā ʼe faigafua ānai moʼo kamata he fai palalau. ʼE koutou holi koa ke toe hoko atu tokotou minisitelio ʼo toe kehe age tona lelei, ohage la ko te kau ki he tahi ʼu fahaʼi ʼo te minisitelio? ʼE koutou maʼu ānai te ʼu tokoni ʼe ʼaoga kia koutou moʼo kamata ai te fahaʼi ʼaia.
3 ʼE koutou fakatuʼutuʼu koa he fono ki te fai faka mafola? Ko ia, ʼe tonu ke koutou ʼiloʼi lelei ai te ʼu manatu ʼi te minisitelio ʼo te Puleʼaga. ʼE lelei koa takotou akoʼi takotou minisitelio ? ʼE koutou faigaʼi koa ʼo fakahā te ʼu manatu ʼaē ʼe ʼaoga tāfito ki tokotou telituale?
4 Ko tatou fuli, ʼe tou fiafia mokā ʼe tou fai he gāue ʼe lelei. ʼE matou falala ko te ʼu tokoni ʼaoga ʼaenī ʼe ina tokoniʼi ānai natou ʼe foʼou ʼi te fai faka mafola feiā mo natou ʼaē ʼe faiva ʼi te moʼoni ke feala ai hanatou faiva ʼaupito ʼi te minisitelio ʼo te Puleʼaga pea mo natou maʼu ai he fiafia lahi.