Te ʼu Fakamanatu ʼo ʼUhiga Mo Te Temi Vela
1 Tokolahi ia tatou ʼe mavae anai ʼi totatou kokelekasio ʼi he kiʼi temi, lolotoga te ʼu māhina mālōlō ʼi te temi vela ʼaenī. Kapau ʼe tou pupuli ʼi te kokelekasio ʼi te fakaʼosi ʼo te māhina, ʼe tou tokakaga anai ʼo fakamomoli tatatou pepa tānaki gāue ki te sikalaipe ʼo te kokelekasio. Ko te meʼa ʼaia ʼe tonu ke tou fai fakatomuʼa ke feala ai he tohi ʼo tatatou gāue ʼi te pepa tānaki gāue ʼa te kokelekasio ʼi te māhina, ʼaē ʼe fakatahiʼi e te sikalaipe pea mo fakamomoli ki te Sosiete ko tona faka tuʼakoi ko te ʼaho ono ʼo te māhina.
2 ʼE tou loto anai ke tou tokagaʼi te ʼu fealagia moʼo fai ʼo te fagonogono faigamālie. Ko te ʼu faigamālie ʼaia ʼe feala ke hoko mokā ʼe tou folau, mokā ʼe tou ʼaʼahi ʼotatou ʼu kāiga, peʼe tou palalau mo niʼihi ʼe felāveʼi mo tatou. ʼE tou tokagaʼi koa he ʼu faigamālie moʼo fai ʼo te fagonogono ohage ko tona fai ʼaē e Sesu? Neʼe mole ina tatāʼofi ia ia ʼo ʼuhiga mo te fai ʼo te fagonogono faigamālie. (Soane 4:5-30) Neʼe toe feiā aipe mo te ʼapositolo ko Paulo neʼe ina ‘totogi tona temi’ pea neʼe ina maʼu he ʼu fua ʼe lelei. (Ef. 5:16; Gāue 17:17; 28:30, 31; Kol. 4:5) Tou fai he ʼu fakatuʼutuʼu moʼo kamata ʼo te fagonogono faigamālie. Tou teuteu lelei he ʼu puani ke tou palalau kiai, pea ke ia tatou he nusipepa peʼe ko he kiʼi pepa lotu moʼo uga ʼo te fia logo.
3 Kapau ʼe tou muliʼi fakalelei te ʼu fakamanatu ʼaia, ʼe tou ʼiloʼi anai ʼe tou fakaʼaogaʼi fakapotopoto totatou temi ʼi te temi vela ʼaenī pea ʼe tou foaki anai kia Sehova ʼotatou “ ʼu ʼuluaki fua.”—Taag. 3:9.