Ko Te ʼu Fono Gāue ʼo Tesepeli
Vāhaʼa ʼe kamata ʼi te 6 tesepeli
Katiko 205
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga.
20 mn: “Tou tokoni ki niʼihi ke nātou ʼiloʼi te ʼAlo ʼo te ʼAtua, ko Sesu Kilisito.” ʼO fai ʼaki he ʼu fehuʼi pea mo he ʼu tali. Fai he ʼu faʼifaʼitaki ʼo mulimuli ki te palakalafe 2 (ʼo fai e he tahi ʼe faiva ʼi te fai faka mafola) pea mo te palakalafe 4 (ʼo fai e he tūpulaga fai faka mafola). Fakaloto mālohiʼi te kau fai faka mafola katoa ke nātou fakahāhā te tohi Le plus grand homme (Ko te tagata ʼaē ʼe lahi tokotahi) ʼi te fai faka mafola ʼi te ʼu ʼapi pea mo te fagonogono faigamālie.
15 mn: “Koutou fakatuʼutuʼu he temi moʼo tufa ʼo te ʼu nusipepa.” Akonaki, pea mo fai palalau mo nātou ʼaē ʼi te fono. ʼI te vakaʼi ʼo te palakalafe 3, fakahā peʼe feafeaʼi te fakahā ʼo te ʼu alatike kehekehe ki te hahaʼi kehekehe ʼaē ʼi te telituale.
Katiko 169 pea mo te faikole fakaʼosi.
Vāhaʼa ʼe kamata ʼi te 13 tesepeli
Katiko 146
10 mn: Ko te ʼu logo ki te kokelekasio, lau ʼo te tānaki falā, pea mo te ʼu meʼa ʼofa. Fakamālo kia nātou ʼaē ʼi te fono ʼo ʼuhiga mo tanatou lagolago ki te meʼa ʼe ʼaoga ki te kokelekasio, ki te Kesi laga fale ʼa te Sosiete, pea mo te gāue faka malamanei ʼa te Sosiete. Fakahā he puani e tahi peʼe lua ʼe feala ke fakaʼaogaʼi ʼi te ʼu ʼuluaki palalau ʼi te fai faka mafola ʼi te fakaʼosi vāhaʼa ʼaenī.
20 mn: “Tou kamata he ʼu ako faka tohi-tapu ʼi tesepeli.” Fai palalau mo nātou ʼaē ʼi te fono. Mokā vakaʼi te palakalafe 4, fai he faʼifaʼitaki ʼo fakahā peʼe feafeaʼi te kamata ʼo he ako faka tohi-tapu ʼi he fai ʼaʼahi. Fakaloto mālohiʼi te kau fai faka mafola katoa ke nātou fai takitokotahi he ako faka tohi-tapu ʼi te māhina fuli, mokā ʼe feala.
15 mn: “Te Annuaire — ko he koloā fakaloto mālohi.” Akonaki fakafiafia ʼe fakahā ai te maʼuliʼi ʼo te ʼu vaega faka tohi-tapu ʼaē ʼe tuʼu ʼi ai. Koutou fakatuʼutuʼu ke fakahā ʼe ni kau faka mafola neʼe teuteu fakalelei te meʼa neʼe lave kia nātou ʼi he alatike pea mo te ʼu hisitolia ʼe fakatafito ki te ʼu alatike ʼo Te Tule Leʼo ʼi te pasina 32 ʼo te ʼaho 1 ʼo sanualio 1990, te ʼaho 1 ʼo sanualio 1987, pea mo te ʼaho 1 ʼo sanualio 1986.
Katiko 165 pea mo te faikole fakaʼosi.
Vāhaʼa ʼe kamata ʼi te 20 tesepeli
Katiko 189
5 mn: Ko te ʼu logo ki te kokelekasio. Fakahā te ʼu fakatuʼutuʼu ʼo ʼuhiga mo te fai faka mafola ki te ʼaho 25 ʼo tesepeli.
20 mn: “Koutou faiga ke lave ʼi te loto ʼo ia ʼaē ʼe ako Tohi-Tapu mo koutou.” ʼO fai ʼaki he ʼu fehuʼi pea mo he ʼu tali mo he faʼifaʼitaki. Fakamahino age ko te kokelekasio katoa ʼe tonu ke nātou gāue ke fakatuputupu tanatou faiva ʼi te fai akonaki. ʼI te ʼosi vakaʼi ʼo te palakalafe 3, ʼe fakahā e he tahi ʼe fai faka mafola peʼe feafeaʼi tana uga ia ia ʼaē ʼe ako Tohi-Tapu ʼaki te fakaʼaogaʼi ʼo he ʼu fehuʼi pea mo te ʼu vaega faka tohi-tapu ʼi te palakalafe 13 pea mo te 14 ʼi te kapite 1 ʼo te tohi Mauli O Heegata.
20 mn: “ ʼE tonu ke lahi te ʼu Fale ʼo te Puleʼaga ʼuhi ko te tuputupu ʼo te hahaʼi.” — ʼUluaki faʼahi. ʼO fai ʼaki he ʼu fehuʼi pea mo he ʼu tali ʼo te ʼu palakalafe 1 ki te 10. Fakahā pe koʼe ʼe tonu ai ke faka felogoi te ʼu tagata ʼāfea ʼi te kamataʼaga mo te komite laga fale fakakolo mokā ʼe nātou fakatuʼutuʼu ke laga he Fale ʼo te Puleʼaga.
Katiko 61 pea mo te faikole fakaʼosi.
Vāhaʼa ʼe kamata ʼi te 27 tesepeli
Katiko 37
10 mn: Ko te ʼu logo ki te kokelekasio. Logo faka teokalatike. Fakahā te ʼu fakatuʼutuʼu makehe ʼo ʼuhiga mo te fai faka mafola ʼi te ʼaho 1 ʼo sanualio. Fakahā peʼe feafeaʼi te fakaʼaogaʼi ʼo te tohi ʼaē ʼe tufa anai ʼi te telituale ʼi sanualio.
15 mn: Koteā koa te meʼa ʼe kovi ʼi te ʼahiʼahiʼi ʼo te ʼu toloke? Ko he fai palalau ʼa he ʼu tūpulaga fai faka mafola e lua mo he tagata ʼāfea ʼo ʼuhiga mo te kua mafola ʼo te fakaʼaogaʼi ʼo te ʼu toloke ʼi te faleako. ʼE nātou fakahāhā ko he ʼu tūpulaga ʼe feala ke mole nātou koviʼia te tautau fakaʼaogaʼi ʼo te ʼu toloke. ʼE ʼiloʼi e te tagata ʼāfea ko te ʼu meʼa ʼaia kua lahi ʼosi tona kovi talu mai te temi ʼaē neʼe kei ako ai ia. ʼE ina fakatokagaʼi ko te ʼu toloke ʼe mole tuʼu ʼi te Tohi-Tapu, kae ʼe feala te maʼu ʼo he ʼu manatu ʼe lelei ʼo ʼuhiga mo te fakaʼaogaʼi ʼo te ʼu toloke ʼi te tohi Comment raisonner, ʼi te ʼu pasina 112 ki te 118. Ko te ʼu tūpulaga ʼe nā lau te ʼu vaega, pea ko te tagata ʼāfea ʼe ina uga ia nāua ke nā fakakaukauʼi te alatike ʼaē ʼe nātou vakaʼi. ʼE fakahā e te ʼu tūpulaga tanā ʼu manatu ʼo ʼuhiga mo te ʼu faʼahiga meʼa neʼe feala ai tana tauʼi takitokotahi te taʼi faigataʼa ʼaia.
20 mn: “ ʼE tonu ke lahi te ʼu Fale ʼo te Puleʼaga ʼuhi ko te tuputupu ʼo te hahaʼi.” — Faʼahi 2. Akonaki fakafiafia ʼo fai e he tagata ʼāfea mai te ʼu palakalafe 11 ki te 17. Fakahāhā ʼe tonu ke lahi ʼaupito te kau gāue, pea mo fakahā ʼe feala anai hatatou maʼu te ʼu Pepa tohi ki te gāue laga fale ʼo te ʼu Fale ʼo te Puleʼaga ʼi te hili ʼo te fono. Kapau ʼe fealagia te temi, fai he ʼu fakamatala ʼo ʼuhiga mo te ʼu laga Fale ʼo te Puleʼaga ʼi te kolo.
Katiko 120 pea mo te faikole fakaʼosi.