Ko Te ʼu Fono Gāue ʼo Malesio
Vāhaʼa ʼe Kamata ʼi Te 6 Malesio
Katiko 51
13 min: Ko te ʼu logo ki te kokelekasio pea mo te ʼu Tonu kua filifili mai Te Minisitelio ʼo Te Puleʼaga. Fai palalau ʼo ʼuhiga mo Te Tali Ki ʼAkotou ʼu Fehuʼi.
15 min: “Neʼe Foaki Lahi—ʼE Fakamaʼua Lahi.” ʼE fai ʼaki te ʼu fehuʼi pea mo te ʼu tali. Fakaloto mālohiʼi ia nātou ʼaē ʼe nātou lavaʼi ke nātou fakakaukau ke nātou pionie vaeluaʼi temi ʼi ʼApelili.
17 min: “Tou Kalagaʼi ‘Te ʼu Palalau ʼo Te Lea Faka Polofeta.’ ” Vakaʼi te ʼu manatu tāfito. Fakaafe ia nātou ʼi te fono ke nātou fakamatala he ʼu meʼa neʼe hoko neʼe nātou fakaʼaogaʼi peʼe neʼe nātou tuku te tohi Révélation: dénouement. Uga ia nātou fuli ke nātou taupau he ʼu manatu lelei ʼo ʼuhiga mo te tufa ʼo te tohi, koteʼuhi ʼe ina muliʼi te ʼu meʼa ʼaē ʼe hoko ʼaē ʼe tou kau ai takitokotahi. Fai he ʼu faʼifaʼitaki e tahi peʼe lua.
Katiko 204 pea mo te faikole fakaʼosi.
Vāhaʼa ʼe Kamata ʼi Te 13 Malesio
Katiko 2
12 min: Ko te ʼu logo ki te kokelekasio. Fai he palalau fakanounou ʼe fakatafito ki te alatike “Ko He Fakamanatu Ki Te Sikalaipe Pea Mo Te Tagata Taupau Ki Te Gāue.” Lau te falā.
15 min: “Ko He ʼu Logo ʼo Te Puleʼaga Ke Tufa ʼi Te Malamanei Katoa ʼi Tona Lakaga Tonu.” Ko he akonaki ʼe fai e he tagata ʼāfea. Fakahā te maʼuhiga ʼo te fakatuʼutuʼu ʼo te gāue makehe lolotoga te ʼu māhina ʼo ʼApelili pea mo Maio. Uga ia nātou fuli, ʼo kau ai mo nātou ʼaē ʼe foʼofoʼou mai, ke nātou fakatuʼutuʼu ke lahi hanatou kau ki te gāue ʼaia.
18 min: “Ko Te Toe Hū Ako.” ʼE fai ʼaki te ʼu fehuʼi pea mo te ʼu tali. Fakahā te ʼu faigataʼaʼia ʼaē ʼe felāveʼi mo te kau tūpulaga pea mo te faʼahiga tokoni ʼaē ʼe feala ke foaki e te ʼu mātuʼa ki ʼanatou ʼu tamaliki.
Katiko 36 pea mo te faikole fakaʼosi.
Vāhaʼa ʼe Kamata ʼi Te 20 Malesio
Katiko 26
12 min: Ko te ʼu logo ki te kokelekasio. Ko he faʼifaʼitaki ʼe fai e he famili ʼe nātou fakaʼaogaʼi te Annuaire 1995. ʼE fakahā e te famili tanatou leleiʼia te tohi; ʼe fakamanatu fakanounou e te tāmai te ʼu manatu maʼuhiga ʼaē ʼe tuʼu ʼi te ʼu ʼuluaki palalau mai te ʼu pasina 3 ki te 11. ʼE nātou fai palalau ʼo ʼuhiga mo tanatou lau fakatahi anai he ʼu kiʼi pasina ʼo te tohi Annuaire ʼi te vāhaʼa fuli pea mo fakatuʼutuʼu tuʼumaʼu ke nātou lau te koga tohi ʼi te kiʼi kaupepa Tou Vakaʼi Te Tohi-Tapu ʼi Te ʼAho Fuli.
20 min: “Te Fakamaʼamaʼa ʼo Te Fakatahi Faka Tisitilike 1995.” Ko te pepa ʼaē ʼe pipiki tahi mo Te Minisitelio. Ko he akonaki ʼe fai e te taupau pelesita. Fakahāhā lelei te ʼu lelei ʼo te ʼu fakatonutonu ʼo ʼuhiga mo te mole ʼi ai ʼo he selevisi ki te meʼa kai. Palalau ki te fakatahi faka silikosikilipisio ʼaē ka hoko mai pea mo te faʼahiga tokoni ʼaē ʼe feala ke tou fai ʼo ʼuhiga mo te ʼu meʼa ʼe totogi ʼo te fakatahi.
13 min: “Tou Tokoni Ki Niʼihi Ke Nātou ‘Mulimuli Ki Te ʼu Meʼa ʼAē ʼe Tohi.’ ” Toe vakaʼi te ʼu puani tāfito, pea fai he faʼifaʼitaki e tahi peʼe lua ʼo ʼuhiga mo te ʼu ʼaʼahi.
Katiko 114 pea mo te faikole fakaʼosi.
Vāhaʼa ʼe Kamata ʼi Te 27 Malesio
Katiko 205
5 min: Ko te ʼu logo ki te kokelekasio.
12 min: “Ko Te Meʼa Maʼuhiga ʼAupito ʼi Te Hisitolia ʼo Te Tagata.” Fai palalau mo nātou ʼaē ʼi te fono. Toe vakaʼi te ʼu fakatuʼutuʼu ʼa te kokelekasio ki te Fakamanatu. Fakamahino pe koʼe ʼe ʼaoga ke tou fakaafe ia nātou ʼaē ʼe fia fagono ki te logo pea mo tou tokoni kia nātou ke nātou kau ki te ʼaho ʼaia.
18 min: Ko Te Aga Faka Kilisitiano ʼi Te Faleako. Ko he fai palalau ʼa he tagata ʼāfea mo he ʼu tūpulaga e tolu peʼe fā. ʼI te faleako, ʼe felāveʼi ʼatatou ʼu tūpulaga mo te ʼu fakahala ʼe faigaʼi ai ke fakatō laloʼi tanatou fakaʼapaʼapa ki te ʼu fakatuʼutuʼu ʼa te Tohi-Tapu. ʼE lahi te ʼu fakahala ʼe haʼu mai te ʼu gāue ʼe mole ʼalutahi ia mo te ʼu meʼa ʼe fai ʼi te kalasi. ʼE fakatupu tuʼutāmaki te ʼu faigaoʼi, te ʼu faiʼakau pea mo te ʼu fakatahi. ʼE fai palalau te tagata ʼāfea mo te kau tūpulaga ki te alatike “Les activités hors programme,” ʼi te ʼu pasina 22 ki te 25 ʼo te kaupepa L’école et les Témoins de Jéhovah. ʼE fai e te kau tūpulaga te ʼu palalau ʼe hā ai ʼe nātou felāveʼi mo te ʼu fakahala ke nātou kau ki te ʼu meʼa ʼaia pea ʼe nātou fakamālo ai ki te ʼu tokoni ʼaē ʼe tuku age kia nātou.
10 min: Tou fai he ʼu apone ʼo Te Tule Leʼo pea mo te Réveillez-vous! lolotoga te māhina ʼo ʼApelili. ʼI te ʼu telituale ʼaē ʼe lahi tona gāueʼi, ʼe feala ke tou tufa he faʼahiga kaupepa pe. Toe vakaʼi te ʼu faʼahiga manatu ʼaoga ʼaenī ki te fai ʼo he ʼu apone ʼi te gāue ʼi te ʼu ʼapi: koutou malimali. Koutou loto fiafia. Koutou palalau māmālie. Koutou palalau ki he alatike pe e tahi ʼi he nusipepa pe e tahi. Koutou fakamahino peʼe feafeaʼi te maʼu ʼo te apone. Koutou fakahā tona loaloaga (te ʼu māhina e 6 peʼe ko he taʼu katoa) pea mo tona totogi. Kapau ʼe fakafisi ki te apone, koutou tuku age te nusipepa kia ia ʼaē ʼe fai palalau mo koutou. Koutou fakahā age ʼe koutou toe liliu age anai ʼaki te ʼu nusipepa foʼou. Koutou fakaʼosi lelei takotou fai palalau mo kapau ʼe toe fakafisi ki te ʼu nusipepa. Koutou tohi ʼi he moʼi pepa ia nātou fuli ʼaē neʼe fia logo ʼo feiā mo nātou ʼaē neʼe tuku age ki ai he meʼa. ʼI te fakaʼosi, fai he faʼifaʼitaki e tahi peʼe lua ʼo te ʼu palalau fakanounou ʼo ʼuhiga mo te fai ʼo te apone ʼaki te fakaʼaogaʼi ʼo te ʼu nusipepa foʼou.
Katiko 33 pea mo te faikole fakaʼosi.