Ko He Fakamanatu Ki Te Sikalaipe Pea Mo Te Tagata Taupau Ki Te Gāue

ʼI te taʼu fuli, ko te tonu ʼi Te Minisitelio ʼo Te Puleʼaga ʼo te māhina ʼo Fepualio ʼe fai ki te sikalaipe pea mo te tagata taupau ki te gāue ke “nā fakasiosio te gāue ʼa nātou fuli ʼe gāue pionie katoa.” Koteā te tupuʼaga ʼo te fakasiosio ʼaia? ʼE fai te fakasiosio ʼaia moʼo vakaʼi peʼe ko ai ʼaē e lagi ʼaoga ke tokoni age ki ai ʼo ʼuhiga mo te fakakatoa ʼo te ʼu hola ʼaē ʼe fakamaʼua ʼi muʼa ʼo te fakaʼosi ʼo te taʼu gāue.

ʼE fakamaʼua ki te kau pionie katoa ke nātou fai ʼi te gāue faka mafola te ʼu hola e 1 000 ʼi te taʼu fuli. Kae ʼi te fakaʼosi māhina ʼo Fepualio, ʼe fakatokagaʼi e ʼihi pionie ʼe kei toe ʼonatou ʼu hola, pea ʼe feala ke fakatupu ai hanatou lotovaivai. ʼE feala ki te kau tagata ʼāfea ke nātou tokoni ki te kau pionie, ʼo nātou tuku kia nātou he fakaloto mālohi pea mo he ʼu manatu ʼaoga. Ko te puani ʼaia ʼe feala ke ina ʼekenaki he kau pionie ke nātou fakahoko lelei te ʼu fakamaʼua ʼaē ki te taʼu peʼe nātou fakagata tanatou gāue pionie.

ʼE mahino ia ʼe fakamālo anai te kau pionie ki te tokaga fakamalotoloto ʼa te kau tagata ʼāfea ki te faʼahi ʼaia. ʼE toe maʼu foki anai e te kokelekasio te ʼu lelei ʼi tana maʼu he ʼu pionie ʼe nātou fiafia ʼi tanatou minisitelio, pea ʼe nātou fakahoko fakalelei tanatou gāue.