Te ʼu Logo Faka Teokalatike

◼ Neʼe fakamoʼoni e te puleʼaga ʼo Bulgarie ki te kau Fakamoʼoni ʼa Sehova ʼi te ʼaho 7 ʼo ʼOketopeli 1998. ʼE tou kau fakatahi mo te toko 946 kau kaugā fai faka mafola ʼo te fenua ʼaia, moʼo loto fakafetaʼi kia Sehova ki te tali ʼaia ʼa te puleʼaga.

◼ ʼI te ʼaho 12 ʼo ʼOketopeli 1998, neʼe fakamoʼoni e te puleʼaga ʼo Lettonie ki te ʼu ʼuluaki kokelekasio e lua ʼi te ʼu kokelekasio ʼe 21 ʼo te fenua ʼaia.

◼ Logope la te ʼu fakafeagai ʼaē ʼe fai kia nātou, ʼe kātaki aipe te ʼu tēhina ʼo Falani ʼo faka mafola te Puleʼaga. ʼI te ʼu māhina ʼo Novepeli pea mo Tesepeli, moʼo uga te hahaʼi ʼo te fenua ke nātou lau te Tohi-Tapu, neʼe tufa tāfito ai te kaupepa lahi Un livre pour tous. Ko teitei Petelite e toko 50 neʼe nātou mavae mai Falani ʼo nātou ʼolo ki Pilitania, moʼo tokoni ki te gāue tā tohi pea mo te tufa ʼaē ʼe fai ʼi te filiale, kae hoko atu pe e te toko 250 ʼaē neʼe nonofo ʼi te Petele ʼo Falani pea mo te ʼu tēhina ʼaē tanatou tauhi ʼaki he loto fiafia ohage pe ko te agamāhani.