Te ʼu Fono Gāue ʼo Sepetepeli
NOTA: ʼE tohi ʼi Te Minisitelio ʼo Te Puleʼaga he polokalama ʼo te ʼu Fono Gāue ki te ʼu vāhaʼa fuli ʼo Sepetepeli. ʼE fai anai e te ʼu kokelekasio te ʼu fetogi ʼaē ʼe ʼaoga, ke feala ki te kokelekasio ke kau ki te fakatahi “Te ʼu Folafola Faka Polofeta ʼa Te ʼAtua,” pea ke fai he fakamanatu ʼo te ʼu puani tāfito ʼo te polokalama ʼi te Fono Gāue ʼo te vāhaʼa ʼaē ʼe hoa atu ki te fakatahi. ʼO ʼuhiga mo te fakamanatu ʼaia ʼo te polokalama ʼo te fakatahi, ʼe tonu ke hinoʼi fakatomuʼa he ʼu tēhina faiva e toko tolu ʼaē ke nātou tohi te ʼu puani tāfito. Ko te fakamanatu ʼaia ʼaē ka teuteuʼi lelei, ʼe tokoni anai ki te kokelekasio ke nātou manatuʼi te ʼu puani tāfito, pea ke nātou fakaʼaoga maʼa nātou pea ki te minisitelio. Kapau ʼe fai e ʼihi hanatou tali, pea ʼe tonu anai ke nounou.
Vāhaʼa ʼo te ʼaho 6 ʼo Sepetepeli
Katiko 45
10 min: Te ʼu logo ʼo te kokelekasio. Te ʼu Tonu.
17 min: “ ʼE ʼi Ai Koa He Fakatuʼutuʼu ʼo Takotou Gāue?” Faka tuʼakoi te ʼu ʼuluaki palalau ke minuta tahi, pea hoko atu ʼaki te fai ʼo he ʼu fehuʼi pea mo he ʼu tali. Fakaʼaogaʼi mo te ʼu manatu ʼo te tohi Notre ministère, ʼi te pasina 88-89. Fakaloto mālohiʼi te kokelekasio ke nātou fai hoholo pea mo fakalelei tanatou minisitelio.
18 min: Tou Fakaʼaogaʼi Fakalelei Te Tohi Créateur. Ko he akonaki pea mo he ʼu faʼifaʼitaki. Neʼe fakamahino mai e Te Minisitelio ʼo Te Puleʼaga ʼo ʼApelili 1999, ʼe feala ke tou tufa te tohi Créateur ki te hahaʼi ʼaē (1) ʼe mole nātou tui ki te ʼAtua peʼe (2) nātou tui ki te ʼAtua kae mole nātou ʼiloʼi peʼe feafeaʼi te ʼAtua, mo tona ʼu kalitate, pea mo tana ʼu fakatuʼutuʼu. ʼE feala ke fakaʼaogaʼi te ʼu fehuʼi ʼi te fakaʼosi ʼo te tohi moʼo lagaʼi te fia lau ʼa te hahaʼi te kiʼi tohi ʼaia. Peʼe feala ke fakaʼaogaʼi te pasina 152. ʼE feala ke kita ʼui fēnei: “ ʼE tou lava maʼu ʼifea he ʼu tokoni lelei moʼo fakatokatoka tatatou ʼu fihifihia maʼuhiga?” ʼE feala ke kita fakatokagaʼi ki te hahaʼi te ʼu fakavikiviki neʼe fai e te hahaʼi maʼu tuʼulaga ʼo ʼuhiga mo te Akonaki ʼa Sesu ʼi te Moʼuga, pea kita kole age ke nātou filifili te puani ʼaē ʼe nātou leleiʼia ʼi te ʼu puani e fitu ʼaē ʼe fakahā ai, pea kita lau leva te ʼu koga tohi ʼaē ʼe tuʼu ai. Fakahā he ʼu faʼifaʼitaki moʼo fakaʼaogaʼi te ʼu tokoni ʼaia ʼo ʼuhiga mo te tufa ʼo te tohi Créateur. Fakaloto mālohiʼi te kau fai faka mafola ke nātou ʼave mo nātou te tohi ʼaia ke feala hanatou tufa mo kapau ʼe ʼaoga.
Katiko 213 pea mo te faikole fakaʼosi.
Vāhaʼa ʼo te ʼaho 13 ʼo Sepetepeli
Katiko 21
10 min: Te ʼu logo ʼo te kokelekasio. Lau ʼo te falā.
15 min: Neʼe feafeaʼi tatatou gāue ʼi te taʼu ʼaenī kua ʼosi? Ko te akonaki ʼe fai e te tēhina taupau ki te gāue. Vakaʼi te ʼu puani tāfito ʼo te tānaki gāue ʼo te kokelekasio ki te taʼu selevisi 1999. Fakamālo te kokelekasio ki tana ʼu faiga. Fakahā mo te ʼu faʼahi ʼaē ʼe ʼaoga ai ke tuputupu te kokelekasio. Fakahā pe neʼe feafeaʼi te kau ʼa te kokelekasio ki te ʼu fono pea mo te fai ʼo te ʼu ako Tohi-Tapu. Talanoa ki te ʼu fakatuʼutuʼu ʼaē ʼe feala ke fai ʼi te taʼu ʼaenī ka haʼu.
20 min: “Tou Poto Faiakonaki ʼi Tatatou Fai Faka Mafola ʼi Te ʼu ʼApi.” ʼO fai ʼaki he ʼu fehuʼi pea mo he ʼu tali. Talanoa tāfito ki te maʼuhiga ʼaē ke tou maʼu he faʼahiga palalau ʼe fia logo kiai te hahaʼi. Fakahā peʼe feafeaʼi te fetogi ʼo te faʼifaʼitaki ʼo te alatike ke ʼalutahi mo te hahaʼi ʼo te ʼu lotu kehekehe. Fai he faʼifaʼitaki neʼe teuteuʼi lelei.
Katiko 140 pea mo te faikole fakaʼosi.
Vāhaʼa ʼo te ʼaho 20 ʼo Sepetepeli
Katiko 6
12 min: Te ʼu logo ʼo te kokelekasio pea mo te ʼu fakamatala ʼo ʼuhiga mo te fai faka mafola.
15 min: Ko he akonaki ʼe ʼaoga ki te kokelekasio.
18 min: “ ʼU Mātuʼa—Koutou Tuku He Faʼifaʼitaki Lelei Ki Takotou Fānau.” Ko te tagata ʼāfea ʼe ina fai fakanounou te ʼu ʼuluaki palalau, pea ʼe ina hoko atu ʼaki he fai palalau ki te alatike mo he ʼu tēhina e toko lua ʼe nā maʼu fānau. ʼE nātou fakahā ai tanatou puipui tanatou fānau naʼa nātou kau ʼi te ʼu aga ʼaē ʼe nātou sio kiai ʼi te faleako, ʼi te televisio, pea mo te ʼu aga ʼaē ʼe fai e tonatou ʼu kāiga pea mo te hahaʼi ʼaē ʼe mole ko te kau Fakamoʼoni. ʼE nātou talanoa ki te ʼu aga heʼe fakaʼapaʼapa, te ʼu palalau pea mo te ʼu aga ʼo te mālama, pea mo te ʼu fakafiafia heʼeʼaoga. ʼI tanatou ʼosi vakaʼi te maʼuhiga ʼaē ke nātou tuku he faʼifaʼitaki lelei, ʼe nātou talanoa ai leva ki te ʼu puleʼaki ʼaē ʼe feala ai ke tuputupu te fia kau ʼa te famili ki te ako faka famili, mo te ʼu fono, pea mo te fai faka mafola.—Vakaʼi te Te Tule Leʼo ʼo te ʼaho 1 ʼo Sūlio 1999, ʼi te pasina 8 ki te 22, pea mo te Réveillez-vous! ʼo te ʼaho 22 ʼo Sepetepeli 1991, ʼi te pasina 8 mo te 9.
Katiko 175 pea mo te faikole fakaʼosi.
Vāhaʼa ʼo te ʼaho 27 ʼo Sepetepeli
Katiko 53
15 min: Te ʼu logo ʼo te kokelekasio. Fakamanatuʼi ki te kau fai faka mafola ke nātou foimo tohi tanatou kiʼi pepa tānaki gāue ʼo Sepetepeli. Fakaloto mālohiʼi nātou ke nātou kau ʼi te tufa ʼo te ʼu nusipepa lolotoga te māhina ʼo ʼOketopeli. Toe vakaʼi te ʼu tokoni ʼaē neʼe fai ʼi Te Minisitelio ʼo Te Puleʼaga ʼo ʼOketopeli 1996 ʼi te pasina 8, ʼo ʼuhiga mo te teuteuʼi ʼo te ʼu fai palalau. ʼAki te ʼu nusipepa foʼou, fakahā he ʼu puani ʼe ʼaoga, pea mo fai te ʼu faʼifaʼitaki nounou e lua.
15 min: Te Tali Ki ʼAkotou ʼu Fehuʼi. Ko te akonaki ʼe fai e te tagata ʼāfea.
15 min: “ ʼE Mafola Te Tauhi Moʼoni ʼi Te Eulopa ʼo Te Potu Esite.” ʼE takitaki e te tagata ʼāfea ʼo ina fai ʼaki te ʼu fehuʼi pea mo te ʼu tali. Fakahā te ʼu fakamatala ʼo ʼuhiga mo te tuputupu ʼo te gāue ʼi te ʼu fenua ʼaia, ʼaē ʼe maʼu ʼi te Annuaire.
Katiko 87 pea mo te faikole fakaʼosi.