Ko ʼApelili Ko He Māhina Makehe Koa Kia Koutou?
1 ʼE ʼui māhani ko malesio pea mo ʼapelili ko te temi ʼaia ʼe hoko ai te ʼaho Fakamanatu. ʼAki tona hoko tuʼumaʼu ʼi te temi ʼaia ʼo te taʼu, ko te kaugāue ʼa Sehova ʼe nātou haga fai ʼo hikihiki ki muʼa tanatou gāue ʼi te minisitelio.
2 Ko ʼihi ia nātou ʼaē ʼe pionie vaeluaʼi temi ʼi malesio ʼe toe hoko atu anai ʼi ʼapelili pea toe ʼomai mo niʼihi ʼo fakatahi mo nātou ʼi te minisitelio. Kapau ʼe feala ha kotou kau ki ai, foaki fakavilivili takotou kole.
3 Tatau aipe mo nātou ʼaē ʼe mole feala ke pionie ʼe feala tanatou faiga ke makehe te māhina ʼaia ʼo nātou kau fakamālohi ki te fai faka mafola. ʼE lahi anai te ʼu meʼa ʼe tonu ke fai. Ko te kau faka mafola pea mo te kau pionie ʼe feala anai hanatou fai he fakatuʼutuʼu mo nātou neʼe hoki papitema ke nātou ʼolo ʼo gāue fakatahi. ʼE tonu ke tou fakaafe fuli te ʼu hahaʼi neʼe fia logo ke nātou ʼomaʼi ki te ʼaho Fakamanatu ʼi te ʼaho 17 ʼo ʼapelili.
4 ʼAki takotou tokaga lelei ʼo tali nātou ʼaē neʼe hoki ʼomai, ʼe feala anai ke koutou kamata he ako faka tohi-tapu. Ko Sehova ʼe ina tapuakina tatatou ʼu faiga, ko takotou minisitelio ʼe lelei anai pea ko ʼapelili ʼe liliu ia ko he māhina makehe kia koutou. — Pes. 34:8; Tāʼaga Lea 10:22.