He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Nov.

“ ʼE ʼui e te hahaʼi ‘ ʼE hāofaki tatou e Sesu’ peʼe ‘Neʼe mate Sesu maʼa tatou.’ [Lau ia Soane 3:16.] Kua ke fakakaukauʼi koa la peʼe lava feafeaʼi ki te mate ʼa he tagata e tahi ke ina hāofaki te tagata fuape? [Tuku ke ina tali atu.] ʼE tuku mai e te Tohi-Tapu te tali faigafua, pea ʼe fakamahino lelei mai e te alatike ʼaenī, ‘ ʼE hāofaki tatou e Sesu—ʼO feafeaʼi?’ ”

Réveillez-vous ! ʼaho 22 ʼo Nov.

“ ʼE faigaʼi mālohi koa e te tagata ke ina hāofaki te natula? [Tuku ke ina tali atu.] Ko te tokolahi ʼe nātou tuʼania peʼe hoko anai ʼo talu ai te haʼele lelei ʼo te ʼu meʼa ʼo te maʼuli. Meʼa lelei heʼe ko te ʼAtua ʼe tokaga ki te faʼahi ʼaia. [Lau ia Nehemia 9:6.] ʼE talanoa te Réveillez-vous ! ʼaenī ki te ka haʼu ʼaē ʼe fakatalitali ki te kele.”

Te Tule Leʼo ʼaho 1 ʼo Tes.

“ ʼI te temi ʼaenī, ko te tokolahi ʼe nātou fai meʼa ʼofa pea mo fai he ʼu gāue lelei. ʼE tou manatuʼi ai te Lekula Aulo. [Lau ia Mateo 7:12.] ʼI tau manatu ʼe feala koa ke tou maʼuliʼi te lekula ʼaia ʼi te taʼu katoa? [Tuku ke ina tali atu.] Ko te nusipepa ʼaenī ʼe ina tuku atu he ʼu tuʼuga manatu ʼo ʼuhiga mo ‘Te Lekula Aulo—ʼE Kei ʼAoga Koa?’ ”

Réveillez-vous ! ʼaho 8 ʼo Tes.

“ʼE fakapapau mai e te Tohi-Tapu, ʼe hoko anai he temi ʼe mole toe ʼui anai e he tahi, ‘ ʼE ʼau mahaki’ [Lau ia Isaia 33:24.] ʼO mulimuli ki te fakapapau ʼaia, ko te Réveillez-vous ! ʼaenī ʼe talanoa tāfito ki te mahaki ʼaē ʼe maʼu e te lauʼi miliona hahaʼi, tūpulaga pea mo matutuʼa. Ko tona kupu tāfito ʼaenī ‘Te ʼAmanaki ki Te Mahaki ʼo Te ʼu Hokoga Hui.’ ʼE ʼau ʼiloʼi papau ʼe ke leleiʼia anai te ʼu alatike ʼaenī.”