He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼApe.

“ ʼI te ʼu fenua fuli pe, ʼe fia maʼu e te hahaʼi he maʼuli fīmālie, ohage la ke nātou maʼu pea mo taupau he gāue ʼe totogi lelei. Kae kua ke fakakaukauʼi koa la, peʼe ʼi ai he matapuna ki he fīmālie heʼegata, ʼe ina lava foaki atu hou maʼuli fīmālie ʼo talu ai? [Lau ia Pesalemo 16:8, 9.] ʼE fakahā mai e Te Tule Leʼo ʼaenī peʼe tou lava maʼu ʼifea te fīmālie moʼoni.”

Réveillez-vous ! ʼaho 22 ʼo ʼApe.

“Ia ʼaho nei, tokolahi te hahaʼi ʼe nātou mavae ʼi tanatou lotu ke nātou fai ki te ʼAtua te tauhi ʼaē ʼe nātou loto kiai. Koteā tau manatu ki te faʼahi ʼaia? [Tuku ke fai mai hana tali.] ʼE fakahā mai e te Tohi-Tapu ʼe maʼuhiga ki te ʼAtua te tauhi ʼaē ʼe tou fai kia te ia. [Lau ia Soane 4:24.] Ko te Réveillez-vous ! ʼaenī ʼe ina fakahā mai te meʼa ʼaē ʼe tonu ke tou fai ke fakafimālieʼi tatou ʼi te faʼahi fakalaumālie.”

Te Tule Leʼo ʼaho 1 ʼo Maio

“ ʼE ke ʼiloʼi koa he ʼu hahaʼi ʼe mahahaki kovi peʼe maʼuʼuli mamahi heʼe nātou māʼimoa? ʼE mahino ia ʼe ke fia fakaloto mālohiʼi ia nātou ʼaia. Kae koteā te ʼu palalau ʼe feala ke tou fai moʼo fakaloto mālohiʼi nātou? ʼE tou maʼu ʼi te Tohi-Tapu he ʼu palalau ʼo ʼuhiga mo he ʼamanaki. [Lau ia Isaia 35:5, 6.] Ko Te Tule Leʼo ʼaenī ʼe ina fakamahino mai pe koʼe ʼe feala ke tou tui papau ʼe hoko moʼoni anai te lea faka polofeta ʼaia.”

Réveillez-vous ! ʼaho 8 ʼo Maio

“ ʼI te taʼu ʼaenī kua hili, neʼe heʼeki hoko ki muʼa atu he ʼu tokakovi lahi feiā ʼi te malamanei. ʼE ke manatu koa la ʼe ko te ʼu puleʼaga fakatagata ʼaē ka nātou fakatuʼu anai te tokalelei ʼi te kele? [ʼI tana ʼosi tali atu, koutou lau ia Isaia 2:4.] Ko te Réveillez-vous ! ʼaenī ʼe ina fakahā mai pe koʼe ʼe feala ke tou tui papau ʼe fakatuʼu moʼoni anai te tokalelei ʼi te kele.”