He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sepetepeli

“ ʼE lahi te ʼu lotu ʼe natou akoʼi ʼe tonu ki te hahaʼi ke natou ʼofa ki ʼonatou kāiga. [Lau age ia Mateo 22:39.] ʼI tau manatu lā, he koʼē ʼe mavetevete fēia te hahaʼi? [Tuku ke fai mai hana tali.] ʼE fakamahinohino ʼi Te Tule Leʼo ʼaenī ia te fehuʼi ʼaenī, ʼE Feafeaʼi Te Haga ʼa Te Tauhi Moʼoni ʼo Fakalogotahiʼi Ia Te Hahaʼi?” Fakahā age te ʼalatike ʼaē ʼe kamata ʼi te pāsina 15.

Réveillez-vous! ʼo Sepetepeli

Lau age ia Mateo 5:39. Pea kotou ʼui fēnei age: “ ʼI tau manatu lā, neʼe ʼui koa e Sesu ʼe tonu ke tou tali mamahi fakalogologo mokā gaohi koviʼi tātou? [Tuku ke fai mai hana tali.] ʼE fakahā ʼi te ʼalatike ʼaenī peʼe koteā ʼaē ʼe ʼui ʼi te Tohi-Tapu ʼo ʼuhiga mo te haofaki ʼo kita pea mo te kumi haofaki ʼaki te ʼu puleʼaki fakapuleʼaga.” Fakahā age te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo ʼOketopeli

Fakahā age he ʼaluʼaga neʼe hoki hoko pē ʼi te telituale. Pea kotou ʼui leva: “Kua ke feʼekeʼaki koa pe koʼē ʼe fai e te hahaʼi te ʼu aga ʼaia ʼe kovi? [Tuku ke fai mai hana tali.] ʼE fakahā mai ʼi te Tohi-Tapu he tupuʼaga ke tou falala ʼo ʼuhiga mo te kā haʼu. [Lau age ia 2 Petelo 3:13.] ʼE fakahā ʼi te nusipepa ʼaenī te fakamatala ʼa te Tohi-Tapu ʼo ʼuhiga mo te ʼu tupuʼaga ʼo te aga ʼaē ʼe kovi, pea koteā ʼaē kā ʼamanaki fai anai e te ʼAtua moʼo fakagata ia te ʼu aga kovi fuli pē.”

Réveillez-vous! ʼo ʼOketopeli

“ ʼE tou tautau logo ʼo ʼuhiga mo te ʼu hahaʼi neʼe kākāʼi e tonatou hoa, mo te hahaʼi fai politike, pea mo ʼihi atu. ʼI tau manatu lā, kua faigataʼa age koa hakita maʼu he hahaʼi ʼe tuha mo te falala? [Tuku ke fai mai hana tali.] Tokolahi te hahaʼi ʼe natou manatu ʼe lolotoga hoko nei ia te vaega ʼaenī. [Lau age ia 2 Timoteo 3:1-5.] ʼE fakamahino ʼi te nusipepa ʼaenī peʼe tou lava maʼu ʼifea te hahaʼi ʼaē ʼe tuha mo te falala.”