He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo ʼAukusitō

“ ʼE talanoa tuʼumaʼu ia te Tohi-tapu ki te kau ʼāselo. ʼI tau manatu lā, ʼe maʼuli moʼoni koa te kau ʼāselo? [Tuku ke fai mai hana tali.] Kotou fakatokagaʼi te manatu ʼaenī.” Kotou tuku age Te Tule Leʼo ʼo te ʼaho 1 ʼo ʼAukusitō, pea kotou vakaʼi fakatahi ia te manatu ʼaē ʼi te ʼuluaki kupu taki ʼi te pāsina 16, pea kotou lau age ia he vaega Tohi-Tapu. Tuku age ki ai te ʼu nusipepa, pea mo kotou fakatuʼutuʼu ke kotou toe liliu ʼo vakaʼi mo ia ia te tali ki te fehuʼi ʼaē ʼe hoa mai kiai.

Te Tule Leʼo ʼaho 1 ʼo ʼAukusitō

Lau ia Pesalemo 65:3. Pea kotou ʼui age: “Tokolahi ʼe nātou manatu tahi mo te faʼahi ʼaenī, ko te ʼAtua ʼe “fakalogo ki te kole,” pea ʼe natou faikole ʼi te ʼaho fuli. Kae ko ʼihi ʼe natou feʼekeʼaki, ‘Kapau ʼe maʼuli moʼoni te ʼAtua, he koʼē ʼe tapuke te ʼu fihifihia ʼi te mālamanei?’ Koteā lā tau manatu? ʼE ʼi ai koa he ʼAtua ʼe fakalogo mai ki ʼatatou faikole? [Tuku ke fai mai hana tali.] ʼE fakahā ʼi te nusipepa ʼaenī, ia te tali ʼa te Tohi-Tapu ki te fehuʼi ʼaenī: ‘He koʼē koa ʼe fakagafua e ia ʼaē ʼe fakalogo ki te faikole ia te mamahi?’ ”

Réveillez-vous! ʼo ʼAukusitō

“ ʼI te ʼu ʼaho ʼaenī, ko te tokolahi ʼe natou mātataku ʼi te ʼolo ki tuʼa tokotahi, tāfito lā mokā pōʼuli. ʼI tau manatu lā, ʼe feala koa ke fai he puleʼaki moʼo fakasiʼisiʼi ia te agamālohi? [Tuku ke fai mai hana tali.] ʼE fakamahino ʼi te nusipepa ʼaenī ia te ʼu puleʼaki ke lelei age te tokalelei mo ʼihi. ʼE toe fakahā ʼi ai peʼe hoko feafeaʼi anai ia te lea fakapolofetā ʼaenī.” Lau ia Pesalemo 72:7.