ʼE Feala Koa Hau Kole Ke Kolua Kauga Gaue?

ʼI te ʼu kokelekasio, ʼe ʼi ai ni tehina mo tuagaʼane ʼe mole feala hanatou kau tuʼumaʼu ki te faifakamafola heʼe natou mahahaki peʼe kua natou vaivai matuʼa. (2 Ko. 4:16) ʼE feala koa hau kole ki he tahi ʼe tau mo he aluʼaga feia ke kolua kauga olo ʼo fai he ako Tohi-Tapu? Kapau ʼe mole feala hana mavae ʼi tona ʼapi, pea ʼe lagi feala ke ke fai te ako ʼi tona ʼapi. ʼE feala koa ʼi ʼihi temi, ke ke fakatuʼutuʼu ke ke alu mo he tehina peʼe ko he tuagaʼane ʼe mahaki kovi ʼo fai he ʼu matapa, peʼe fai he ʼaʼahi e tahi peʼe lua? ʼE lahi te ʼu faʼahi kua iloʼi e te kau faifakamafola ʼae kua matutuʼa. Ko ia ko ʼau faiga ʼaia ʼe mole fua lelei pe anai kia ia. ʼE toe fua lelei anai kia koe. (Loma 1:12) Pea ʼe tapuakina anai e Sehova ʼau faiga ʼaia ke ke fakaha tou ʼofa.—Taag. 19:17; 1 Soa. 3:17, 18.