Ucwangciso Lwentlanganiso Yenkonzo
Iveki Eqala NgoJulayi 14
10 imiz: Izaziso zebandla lasekuhlaleni. Khetha kwiZaziso ezikuBulungiseleli Bethu BoBukumkani. Umveleli wenkonzo uxubusha amalungiselelo entsimi engabelwanga bani. Hlola ileta yomhla kaMeyi 30, 2003, ethetha ngentsimi engabelwanga bani, chaza uncwadi oluza kuhanjiswa, imihla, indawo eza kusetyenzwa namalungiselelo okuhamba. Ngaba bakho abanokuba ngoovulindlela abangabancedani? Amabandla angenayo intsimi engabelwanga bani afanele axubushe amalungiselelo okusebenza intsimi engafane isetyenzwe. Usebenzisa amacebiso akwiphepha 4, yiba nemiboniso emibini elungiselelwe kakuhle ebonisa indlela enokuhanjiswa ngayo IMboniselo kaJulayi 15 noVukani! ka-Agasti 8 kwintsimi yebandla. Kumboniso ngamnye, la maphephancwadi amele ahanjiswe omabini, nangona kuthethwa ngephephancwadi elinye.
15 imiz: Ukunqula UYehova Kubenza Bube Nentsingiselo Engakumbi Njani Ubomi Bethu? Ingxubusho nabaphulaphuli. Unqulo lokwenyaniso ngundoqo ukuze ufumane ubomi obumyoli nobunenjongo. (1) Luyasinceda sihlangabezane neengxaki namaxhala obomi. (Fil. 4:6, 7) (2) Luyasikhuthaza ukuze sihlakulele iimpawu zobuthixo. (2 Pet. 1:5-8) (3) Luyasinceda ukuze silisebenzise kakuhle ixesha nobuncwane bethu. (1 Tim. 6:17-19) (4) Lusenza sibe nethemba eliqinisekileyo ngekamva. (2 Pet. 3:13) (5) Lusenza sikwazi ukwakha ulwalamano olusenyongweni noYehova. (Yak. 4:8) Thelekisa indlela ezinqabe ngayo ezi mpawu kwabo bangamaziyo okanye abangamkhonziyo uYehova.
20 imiz: “Ukuba Nombulelo Ngenceba KaThixo.”a Xa uxubusha isiqendu sesi-3, chaza amacebiso endlela yokuqalisa umzila wamaphephancwadi akuBulungiseleli Bethu BoBukumkani bukaOktobha 1998, iphepha 12. Buza umvakalisi omnye okanye ababini abanobuchule ngentshayelelo abayifumanise inempumelelo ekuqaliseni izifundo zeBhayibhile. Bakhuthaze bonke ukuba bazibekele usukelo lokuqalisa nelokuqhuba isifundo seBhayibhile.—om-XO iphe. 91.
Ingoma 176 nomthandazo wokuqukumbela.
Iveki Eqala NgoJulayi 21
10 imiz: Izaziso zebandla lasekuhlaleni. Ingxelo yemali.
10 imiz: “Ucwangciso Olutsha Lwendibano Yesiphaluka.” Intetho nengxubusho nabaphulaphuli. Yazisa umhla wendibano yesiphaluka elandelayo. Ukuba ibandla liza kuya kwindibano yalo kwiinyanga ezizayo, chaza ukuba abo bafuna ukubhaptizwa bafanele bazise umveleli owongamelayo. Bakhuthaze bonke ukuba benze umgudu okhethekileyo wokumema izifundo zeBhayibhile nokuba babekho kwinxalenye nganye yocwangciso.
25 imiz: Xelisa Inkalipho Yabo Xa Ushumayela. Ingxubusho nabaphulaphuli esekelwe kwincwadi ethi Nqula UThixo, kwiphepha, 170-1. Cela abaphulaphuli ukuba baphendule imibuzo ekwisiqendu 7 baze baquke nezibhalo ezibonisiweyo kwiimpendulo zabo. Funda izibhalo ezibonisiweyo. Chaza izifundo esizifunda kwezi ngxelo nendlela ezisinceda ngayo sibe nembono efanelekileyo ngesabelo sethu sokushumayela.
Ingoma 201 nomthandazo wokuqukumbela.
Iveki Eqala NgoJulayi 28
10 imiz: Izaziso zebandla lasekuhlaleni. Khumbuza abavakalisi ukuba bangenise iingxelo zenkonzo yasentsimini kaJulayi. Usebenzisa amacebiso akwiphepha 4, yiba nemiboniso emibini ebonisa indlela yokuhambisa IMboniselo ka-Agasti 1 noVukani! ka-Agasti 8. Kwimeko nganye, omabini la maphephancwadi afanele ahanjiswe kunye nangona kuthethwa ngephephancwadi elinye. Komnye umboniso, yiba nomvakalisi oshumayela ngokungacwangciswanga.
15 imiz: Iimfuno zebandla lasekuhlaleni.
20 imiz: “Ukushumayela Ngamaqela Kuzisa Uvuyo.”b Xa uxubusha isiqendu 3, quka amagqabaza akwiSingxobo Semibuzo soBulungiseleli Bethu BoBukumkani bukaSeptemba 2001. Dlan’ indlebe nomveleli weSifundo Sencwadi Sebandla. Mbuze ngamalungiselelo enkonzo yasentsimini awenzele iqela lesifundo sakhe neengenelo elizifumanayo ngokushumayela kunye.
Ingoma 36 nomthandazo wokuqukumbela.
Iveki Eqala NgoAgasti 4
10 imiz: Izaziso zebandla lasekuhlaleni. Khankanya umnikelo woncwadi wale nyanga. Yenza umboniso omnye okanye emibini ngeentshumayelo ezinokusetyenziswa.
20 imiz: “Ukuhambisa Uncwadi Kwintsimi Ekuthethwa Iilwimi Ezininzi Kuyo.”c Sebenzisa imibuzo elungiselelweyo. Xa uxubusha isiqendu 3, yenza umboniso ngolwimi lwasemzini oluthethwa kwintsimi yenu ekungekho bandla lilusebenzisayo.—km-XO 7/02 iphe. 1 isiqe. 4.
15 imiz: Abaselula Badumisa UYehova! Intetho nengxubusho nabaphulaphuli nodliwano-ndlebe. Kuyasivuyisa ukuva abaselula benikela iimpendulo ezilungiselelwe kakuhle kwiintlanganiso. Ukuzimisela nenkqubela yabo kwiSikolo Sobulungiseleli Sobuthixo luyolo olungathethekiyo. Babonisa ukholo lokwenene njengoko beshumayela entsimini. Ihambo yabo yobuthixo izukisa uYehova. (yb88 iphe. 53-4) Inkqubela yokomoya abayenzayo sisiseko samalungelo exesha elizayo. Dlan’ indlebe nabaselula ababini okanye abathathu abangamaKristu ababa nesabelo rhoqo kwimisebenzi yebandla. Luncome ngokufudumeleyo ulutsha eninalo ebandleni ngemigudu oluyenzayo yokudumisa uYehova.
Ingoma 49 nomthandazo wokuqukumbela.
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.
c Intshayelelo yakho mayibe ngaphantsi komzuzu omnye, wandule ke ukubuza imibuzo.