Ucwangciso Lwentlanganiso Yenkonzo
Iveki Eqala NgoDisemba 8
10 imiz: Izaziso zebandla lasekuhlaleni. Khetha kwiZaziso ezikuBulungiseleli Bethu BoBukumkani. Chaza amalungiselelo akhethekileyo enkonzo yasentsimini ngoDisemba 16. Usebenzisa amacebiso akwiphepha 8, yenza umboniso ngendlela yokuhambisa IMboniselo kaDisemba 15 noVukani! kaJanuwari 8. Kumboniso ngamnye, la maphephancwadi afanele ahanjiswe omabini, nangona kuthethwa ngephephancwadi elinye.
20 imiz: Sebenzisa Ikrele Lomoya. (Efe. 6:17) Ingxubusho nabaphulaphuli esekelwe kwincwadi yeSikolo Sobulungiseleli, iphepha 143-4. Bacele baphendule le mibuzo: (1) Kutheni sisebenzisa iBhayibhile xa siphendula imibuzo yabantu? (2) Igama elithi amaNgqina kaYehova libonisa ntoni ngathi? (3) Nguwuphi umzekelo owamiselwa nguYesu, yaye sinokumxelisa njani? (4) Kwintsimi yasekuhlaleni, ziziphi iindlela eziphumelelayo esinokuzazisa ngazo iimbono zeBhayibhile? (5) Kutheni kubalulekile ukufunda iBhayibhile ngokuthe ngqo nanini na kuyimfuneko? (6) Abadala banokubakhuthaza njani abanye ukuba bayisebenzise ngendlela ephumelelayo iBhayibhile? Yiba nomboniso olungiselelwe kakuhle osekelwe ngaphantsi koqheliselo kwiphepha 144 apho umvakalisi ofanelekayo asebenzisa ubuncinane isibhalo esinye xa ephendula umbuzo. Bakhuthaze bonke ukuba babe nosukelo lokusebenzisa iBhayibhile ngalo lonke ixesha benikela ubungqina.
15 imiz: “Isikolo Sobulungiseleli Sobuthixo Sowama-2004.” Intetho enikelwa ngumveleli wesikolo. Quka amagqabaza akwisihlomelo soBulungiseleli Bethu BoBukumkani bukaOktobha 2003.
Ingoma 108 nomthandazo wokuqukumbela.
Iveki Eqala NgoDisemba 15
10 imiz: Izaziso zebandla lasekuhlaleni. Chaza amalungiselelo akhethekileyo enkonzo yasentsimini ngoDisemba 25 nangoJanuwari 1.
15 imiz: Ufundisiso Lobuqu—Isenzo Sonqulo. Intetho esekelwe kwiMboniselo kaOktobha 1, 2000, iphepha 14-15, isiqendu 6-10.
20 imiz: “Nceda Abo ‘Banotyekelo Olufanelekileyo.’”a Sebenzisa imibuzo elungiselelweyo. Phinda uhlolisise uludwe lwamacebiso akwibhokisi ekwiphepha 3 loBulungiseleli Bethu BoBukumkani bukaMatshi 1997.
Ingoma 42 nomthandazo wokuqukumbela.
Iveki Eqala NgoDisemba 22
15 imiz: Izaziso zebandla lasekuhlaleni. Ingxelo yemali. Iindaba Zobuthixo. Usebenzisa amacebiso akwiphepha 8, yenza umboniso ngendlela yokuhambisa IMboniselo kaJanuwari 1 noVukani! kaJanuwari 8.
15 imiz: Iimfuno zebandla lasekuhlaleni.
15 imiz: Ukuqhuba Izifundo ZeBhayibhile Kunomvuzo. Intetho nengxubusho nabaphulaphuli. Balisa amava ambalwa akwiimpapasho zethu athetha ngezifundo zeBhayibhile ezinenkqubela. (w00-XO 3/1 iphe. 6; yb98-XO iphe. 55-60) Cela abaphulaphuli bagqabaze ngoko sikufunde kumava abanye nendlela esingenelwa ngayo xa siqhuba izifundo zeBhayibhile.
Ingoma 209 nomthandazo wokuqukumbela.
Iveki Eqala NgoDisemba 29
10 imiz: Izaziso zebandla lasekuhlaleni. Khuthaza abavakalisi ukuba badlulise iingxelo zabo zenkonzo yasentsimini kaDisemba. Chaza uncwadi oluza kuhanjiswa ngoJanuwari.
15 imiz: Amava asekuhlaleni. Cela abaphulaphuli babalise amava abaye bawanandipha ngoxa bebeshumayela ekuhlaleni okanye kwintsimi engabelwanga bani, okanye ngoxa bebeshumayela ngokungacwangciswanga emsebenzini, esikolweni, okanye kwenye indawo.
20 imiz: “Funisisani Ofanelekayo.”b Chaza indlela osebenza ngayo lo mbandela ekuhlaleni. Abantu bafumaneka nini emakhaya? Yiyiphi imiphumo eye yafunyanwa ngoxa kusetyenzwa emva kwemini okanye ngamarhatya? Kunokusetyenziswa ziphi iindlela ukuze kudityanwe nabantu ekunzima ukubafumana emakhaya?
Ingoma 182 nomthandazo wokuqukumbela.
Iveki Eqala NgoJanuwari 5
5 imiz: Izaziso zebandla lasekuhlaleni.
15 imiz: Ukusebenza Kwenu Akulolize. (1 Kor. 15:58) Ingxubusho nabaphulaphuli. Kusengaphambili lungiselela abavakalisi abebekhuthele iminyaka emininzi ukuba babalise iinkcukacha ngomsebenzi wokushumayela kwiintsuku zangaphambili. Babebangaphi abavakalisi ebandleni ngelo xesha? Yayingakanani intsimi yebandla? Abantu babesabela njani kwisigidimi soBukumkani? Yiyiphi inkcaso enaniyifumana? Ukutyhubela iminyaka uye waqhubela phambili njani umsebenzi woBukumkani apha ekuhlaleni?
25 imiz: “Ukwandiswa KweSebe LaseMzantsi Afrika.” Intetho nengxubusho nabaphulaphuli. Xa nixubusha isiqendu 9-14, bancome abazalwana ngeminikelo abayenzayo kuMsebenzi Owenziwa Ehlabathini Lonke. Noko ke, ngenxa yeendleko ezibandakanyekileyo kumsebenzi wokwandiswa kwesebe, khuthaza abavakalisi nebandla ukuba khe baphinde bacingisise ngento abanokuyenza ukuze bancedise ngeminikelo.
Ingoma 7 nomthandazo wokuqukumbela
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.