Uw Rogon ni Ngam Tababnag e Bible Study ko Piin ni Ga Ma Pi’ e Magazine Ngorad
1. Mang e gad be nameg u nap’an ni gad ma wereg e pi magazine?
1 Baga’ ni gad ma wereg e pi magazine ni Wulyang Ntagil’ E Damit nge Awake! ko Sabado. Machane aram e ke mus e n’en nsom’on ni gad ma rin’ ni ngad tawgad ko n’en ni gad be nameg ni ngad filed e thin nriyul’ ko piin nib yul’yul’. Baaray boch e thin ko uw rogon ni ngan wereg fare babyor ni Ngam Par ni Gab Fas ko return visit ma ngan tababnag e Bible study. Rayog ni ngam puluwnag e pi thin ney nge m’ag ko binaw rom nge thin rom. Ma rayog ni ngam weliy yugu boch e thin ni ra yib angin ngom.
2. Uw rogon nrayog ni ngad fanayed e tin som’on e page ko babyor ni Ngam Par ni Gab Fas ni ngam tababnag e Bible study?
2 Ngan Fanay e Tin Som’on e Page: Nap’an ni ngam sul ma rayog ni ngam gaar: “Fapi magazine ni kug pi’ ngom e ma tamilangnag e thin ko Bible. Amu guy ko mang fan ni baga’ fan ni ngan bieg e Bible.” Ngan bieg Isaiah 48:17, 18; John 17:3; ara yugu reb e thin ko Bible nib puluw. Ma tomren ni kam pi’ fare babyor ni Ngam Par ni Gab Fas ngak facha’ ma ngam gaar:
◼ “Bible e be pi’ e athap ngodad ko gabul nge langleth.” Ngan dag e pi sasing ngak fare householder ko page 11-13 ma ngam fith, “Gad gubin ma gad ba adag ni nge par e bitir rodad ni aram rogon u fithik’ e falfalan’. Uw rogon nrayog e re n’ey?” Faanra pag facha’ ma ngam dag ngak e Guruy ni 1 ma ngam demonstratnag ko uw rogon ni ngan fil e Bible ngak ma ngam weliyew reb ara l’agruw e paragraph.
◼ Fa rayog ni ngam gaar, “Boor e girdi’ ni kar pirieged e fulweg ko pi deer rorad ya kar filed e re ke babyor ney.” Ngam pithig fare babyor ko table of contents ma ngam fith: “Bin ngan e thin e ga ba adag ni ngam fil?” Ma ngam pithig ko fare guruy ni kar mel’eged. Ngam weliy ni pi deer u but’ ko ra reb e page e be tamilangnag e tin baga’ fan e thin ko ra reb e paragraph. Ngan demonstratnag ko uw rogon e fol Bible ya ngam weliyew boch e paragraph, ma ngam yarmiy ni ngam sul.
3. Uw rogon nrayog ni ngad tababnaged e Bible study u tomren ni kad pied e magazine u murung’agen (a) rarogon e fayleng ni be kireb iyan? (b) rarogon chonggin e tabinaw? (c) rogon fene puluw e thin ko Bible?
3 U M’on ni Ngam Chuw ma Ga Fith e Deer: Ku rayog ni ngam fl’eg rogon ni ngam sul ngak be’ ko ngiyal’ ni kam non ngak ko yay nsom’on. Tomren ni fek fare householder e pi magazine ma ngam fith e deer ma ngam mog ni ga ra pi’ e fulweg ko yay ni migid. Ngam yarmiy ni ngam sul ma ngam rin’. (Matt. 5:37) Nap’an ni ngam sul ma ngam fith fare deer biyay ma ngam bieg reb ara l’agruw e paragraph ko fare babyor ni Ngam Par ni Gab Fas ni bay e fulweg riy ko re deer nem. Ngam pi’ ba ken e babyor ngak nrayog ni nge bieg. Baaray boch e example.
◼ Faanra weliy fare magazine u murung’agen rarogon e fayleng ni be kireb iyan ma rayog ni ngam gaar, “Yay ni migid ma rayog ni ngad weliyew ko mang e be yog e Bible ko re deer ney ni, Miti mang ban’en nra thiliyeg Got ko fayleng?” Ngam weliyew page 156-8 u nap’an ni ngam sul. Fa rayog ni ngam fith e re deer ney, “Mang fan ni ma pag Got e kireb?” Nap’an ni ngam sul ma ngam weliyew paragraph 1-4 ko guruy ni 11.
◼ Faanra weliy fare magazine u murung’agen e tabinaw ma rayog ni ngam fith e re deer ney, “Mang e rayog ni nge rin’ ra reb e girdi’ ko tabinaw ni ngar falfalan’gad ko par rorad?” Nap’an ni ngam sul ma ngam weliyew paragraph 3 ko guruy ni 29.
◼ Faanra weliy fare magazine u murung’agen rogon fene puluw e thin ko Bible ma rayog ni ngam fith e re deer ney, “Ba puluw e Bible ko science fa?” Nap’an ni ngam sul ma ngam weliyew paragraph 26 ko guruy ni 5.
4. Mang e ngad rin’ed ni faanra de fek fare householder fare babyor ni Ngam Par ni Gab Fas?
4 Gubin ngiyal’ ni ngam nonow ma tomur riy e ngam fith e deer ma ngam pi’ e fulweg ko yay ni migid. Ma nap’an ni ke mudugil e study ma ngam filew fare babyor u tabolngin nge mada’ ko tomur. Mang ni faanra de fek fare householder fare babyor ni Ngam Par ni Gab Fas? Ka rayog ni ngam pi’ e magazine ngak ma ngam weliyew e thin ko Bible. Munmun sana ga ra pug e tafinay rok ma ra un ko fol Bible.
5. Mang fan ni susun ni ngad athamgilgad ni gathi ke mus ni ngad pied e magazine ko girdi’?
5 Fare Wulyang Ntagil’ E Damit nge Awake! e rayog ni nge pug e tafinay ku be’ me adag ni nge nang ko mang e be yog e Bible. Ere ngam athamgil ni ngam tababnag e Bible study ko piin ni ma fek e pi magazine. Aram rogon ma gad be fol ko n’en ni tay Jesus chilen ni ngad “pingeged e girdi’ ngar manged pi gachalpen . . . ma ngad filed ngorad rogon ni nguur folgad.”—Matt. 28:19, 20.