Bí Àwọn Tọkọtaya Ṣe Lè Túbọ̀ Ṣe Ara Wọn Lọ́kan

Àpẹẹrẹ àtàtà ni Ábúráhámù àti Sérà jẹ́ fún àwọn tọkọtaya torí pé wọ́n nífẹ̀ẹ́ ara wọn, wọ́n sì máa ń bọ̀wọ̀ fún ara wọn. (Jẹ 12:​11-13; 1Pe 3:6) Síbẹ̀, kì í ṣe gbogbo ìgbà ni nǹkan máa ń dùn láàárín wọn, àwọn ìgbà kan sì wà tí wọ́n kojú ìṣòro. Ẹ̀kọ́ wo làwọn tọkọtaya lè kọ́ lára wọn?

Ẹ máa bára yín sọ̀rọ̀ déédéé. Máa ṣe sùúrù tí ẹnì kejì rẹ bá fìbínú sọ̀rọ̀ sí ẹ tàbí tó kanra mọ́ ẹ. (Jẹ 16:​5, 6) Ẹ máa wáyè fún ara yín. Ẹ jẹ́ kó máa hàn nínú ọ̀rọ̀ yín àti bẹ́ ẹ ṣe ń hùwà pé ẹ nífẹ̀ẹ́ ara yín. Ju gbogbo ẹ̀ lọ, ẹ má ṣe fi àjọṣe yín pẹ̀lú Jèhófà ṣeré rárá. Ìyẹn gba pé kẹ́ ẹ máa kẹ́kọ̀ọ́ Bíbélì, kẹ́ ẹ máa gbàdúrà, kẹ́ ẹ sì jọ máa sin Jèhófà. (Onw 4:12) Táwọn tọkọtaya bá nífẹ̀ẹ́ ara wọn dénú, èyí máa fògo fún Jèhófà tó jẹ́ Olùdásílẹ̀ ètò ìgbéyàwó.

WO FÍDÍÒ NÁÀ BÍ TỌKỌTAYA ṢE LÈ TÚBỌ̀ ṢE ARA WỌN LỌ́KAN, KÓ O SÌ DÁHÙN ÀWỌN ÌBÉÈRÈ YÌÍ:

• Kí ló fi hàn pé nǹkan ò lọ dáadáa láàárín Shaan àti Kiara?

• Kí nìdí tó fi ṣe pàtàkì pé káwọn tọkọtaya máa sọ tọkàn wọn nígbà gbogbo?

• Ẹ̀kọ́ wo ni Shaan àti Kiara kọ́ lára Ábúráhámù àti Sérà?

• Kí ni Shaan àti Kiara ṣe kí nǹkan lè máa lọ dáadáa láàárín wọn?

• Kí nìdí tí kò fi yẹ káwọn tọkọtaya máa retí pé kò ní síṣòro nínú ìgbéyàwó wọn?