Ohun Tó O Lè Sọ Nípa Àwọn Ìwé Ìròyìn
Ile Iṣọ Mar. 15
“Àwọn èèyàn sábà máa ń sọ nípa dídé Jésù Kristi. Ṣó o rò pé ohun tó yẹ kéèyàn máa retí ni, àbí èyí tó yẹ kéèyàn máa bẹ̀rù? [Jẹ́ kó fèsì.] Gbọ́ ohun tí Jòhánù tóun náà kọ lára àwọn ìwé inú Bíbélì sọ nínú Ìṣípayá 22:20. [Kà á.] Ìwé ìròyìn yìí ṣàlàyé ohun tí Kristi á gbé ṣe tó bá dé.”
Ile Iṣọ Apr. 1
“Ó fẹ́rẹ̀ẹ́ máà sí ọjọ́ kan tí a kì í ronú nípa ìlera, ìdílé àti iṣẹ́ wa. Ibo lo rò pé a ti lè rí ìdáhùn tó ṣeé gbọ́kàn lé, tó sì máa kó àníyàn kúrò lọ́kàn wa? [Jẹ́ kó fèsì.] Gbọ́ ohun tí Bíbélì sọ nínú 2 Tímótì 3:16. [Kà á.] Ìwé ìròyìn yìí sọ bí Bíbélì ṣe lè ràn wá lọ́wọ́ ní onírúurú ọ̀nà.”
Jí! Jan.-Mar.
“Ǹjẹ́ o mọ̀ pé wòlíì kan ti sọ rí pé ìgbà kan ń bọ̀ tí ò ní sí àìsàn mọ́? [Jẹ́ kó fèsì, kó o wá ka Aísáyà 33:24.] Àwọn àsọtẹ́lẹ̀ míì wà nínú Bíbélì tó sọ nípa ìgbà tí ò ní sí àìsàn mọ́. Àwọn àpilẹ̀kọ tí ìwé ìròyìn yìí jíròrò á jẹ́ kó o mọ ìgbà tí ara gbogbo ayé á dá ṣáṣá tí ò sì ní sí àìsàn mọ́.”
“Ọ̀pọ̀ ẹ̀kọ́ tó ta kora làwọn ìsìn fi ń kọ́ni nípa ọtí líle. Kí lo rò pé Ọlọ́run fẹ́ lórí ọ̀rọ̀ yìí? [Jẹ́ kó fèsì.] Bó tilẹ̀ jẹ́ pé iṣẹ́ ìyanu àkọ́kọ́ tí Jésù ṣe ni sísọ omi di wáìnì, síbẹ̀ Bíbélì ṣe ìkìlọ̀ kan fún wa, inú Òwe 20:1 ni ìkìlọ̀ náà sì wà. [Kà á.] Àpilẹ̀kọ yìí ṣàlàyé ojú ìwòye tó wà níwọ̀ntúnwọ̀nsì látinú Bíbélì nípa ọtí líle.” Fi àpilẹ̀kọ tó wà ní ojú ìwé 24 hàn án.