Ọlọ́run Ìfẹ́ Máa Fún Ẹ Ní Ọ̀pọ̀ Ohun Rere

• Ṣó wù ẹ́ kí ogun, ìwà ọ̀daràn àti ìjà dópin láyé?

• Ṣó wù ẹ́ kí àìsàn, ìyà àti ikú dópin?

• Ṣó wù ẹ́ kó o bọ́ lọ́wọ́ ìdààmú àti ìṣòro?

• Ṣó wù ẹ́ kó o máa gbé ibi tí kò sí àjálù bí ìjì líle tàbí àkúnya omi?

Ẹlẹ́dàá wa tó dá ayé tó rẹwà yìí nífẹ̀ẹ́ wa gan-an. Ó sì ṣèlérí pé aráyé máa gbé nínú ayọ̀ àti àlàáfíà títí láé. Èyí kì í ṣe àlá tí kò lè ṣẹ.

A rọ̀ ẹ́ pé kó o fiyè sí ohun tá a fẹ́ sọ nípa àwọn nǹkan yìí:

• Ohun tó fi hàn pé Ẹlẹ́dàá wa nífẹ̀ẹ́ wa

• Ohun tó wà nínú Ọ̀rọ̀ Ọlọ́run

• Ohun táwọn wòlíì sọ nípa àwọn ohun rere tí Ọlọ́run ṣèlérí

• Ohun tó máa jẹ́ ká láyọ̀ nísinsìnyí, táá sì tún jẹ́ ká gba ọ̀pọ̀ ohun rere lọ́dọ̀ Ọlọ́run lọ́jọ́ iwájú

Ẹ jẹ́ ká kọ́kọ́ sọ̀rọ̀ nípa àwọn ohun tí Ọlọ́run ń ṣe tó fi hàn pé ó nífẹ̀ẹ́ wa.