Аишәа, ма астенд ухы иархәаны ажәабжь шҳәалатәу
Аишәа, ма астенд ахархәарала ажәабжьҳәара алҵшәа бзиақәа аанагоит, уи згәы аарту ауаа аиашахь ихьанарԥшуеит (Иоан. 6:44). Убри аҟынтә аизара аиҳабацәа ргәазҭарҵон, аизара атерриториаҿы ауаа рацәа ахьыҟоу аҭыԥқәа рҟны, ус еиԥш иҟоу ажәабжьҳәара еиҿыркаарц. Астендқәа еиҭаугартә иҟоуп, убри аҟынтә урҭ рыргыларазы аиҳабыра аҟынтә азин аиура аҭахӡам. Изылшода ари амаҵзура ахкы аҽалархәра? Агәеилых бзиа аазырԥшуа ажәабжьҳәаҩцәа иахәҭоу аҭеиҭыԥши аицәажәаразы аҟазара бзиеи рымоуп. Анаҩс иаагоу алабжьарақәа ажәабжьҳәаҩцәа ақәҿиара аиура ирыцхраауеит.