খ্ৰীষ্টান ভাই-ভনীসকলৰ সৈতে সঙ্গতি কৰাটো কিমান গুৰুত্বপূৰ্ণ?
১ সোতৰ শতাব্দীৰ এজন কবিয়ে বাইবেলত উল্লেখ কৰা মানুহৰ প্ৰয়োজনীয়তা অৰ্থাৎ সঙ্গতি কৰাৰ বিষয়ে এইদৰে কৈছিল: “কোনো মানুহে নিজকে আনৰ পৰা পৃথক কৰি অকলশৰীয়াকৈ থাকিব নোৱাৰে।” (হিতো. ১৮:১) বাস্তৱতে আমাৰ খ্ৰীষ্টান সঙ্গতিয়ে সেই প্ৰয়োজনীয়তাক পূৰণ কৰে। তেনে সঙ্গতিৰ পৰা কেনে ধৰনে লাভবান হʼব পৰা যায়?
২ প্ৰচাৰ কাৰ্য্যত: সঙ্গতি কৰি লাভবান হোৱাৰ সকলোতকৈ মুখ্য পথটো হৈছে ৰাজহুৱাভাৱে কৰা পৰিচৰ্য্যা কাৰ্য্য। কিয়নো এই কাৰ্য্যত আমাৰ ভাই-ভনীসকলে এজনে আনজনক বিশ্বাসত শক্তিশালী কৰি তুলাত সহায় কৰে। সেইবাবে যীচুয়ে তেওঁৰ শিষ্যসকলক “দুজন দুজনকৈ” প্ৰচাৰ কৰিবলৈ পঠিয়াইছিল। (মাৰ্ক ৬:৭; লূক ১০:১) সেই একেই আদৰ্শক অনুকৰণ কৰি প্ৰচাৰ কাৰ্য্যত ভাগ লওঁ, তেতিয়া আমি উপদেশক ৪:৯, ১০ পদত উল্লেখ কৰা সত্যতাক অনুভৱ কৰিব পাৰিম। যেনেকৈ আমি ভাই-ভনীসকলৰ সৈতে একেলগে প্ৰচাৰ কাৰ্য্য কৰিম, তেওঁলোকৰ সৈতে কৰা সঙ্গতিয়ে আমাৰ বিশ্বাস, আজ্ঞাকাৰীতা, প্ৰেম, সাহস আৰু আমাৰ উদ্দীপনাক নতুন কৰি তুলিব।
৩ ব্যক্তিগতৰূপে সহায়: আমাৰ দৈনন্দিন জীৱনত অহা হেঁচাত উৎসাহিত আৰু প্ৰলোভনক বাধা দিয়াত নিৰ্দ্দেশনা প্ৰদান কৰিবলৈ ভাতৃত্ব বন্ধনে আমাক সহায় কৰে। খ্ৰীষ্টান সঙ্গীসকলে আমাৰ ব্যক্তিগত সাহায্যৰ বাবে শাস্ত্ৰ পদৰ পৰা পৰামৰ্শ প্ৰদান কৰিব পাৰে। যেনেকৈ আমি তেওঁলোকৰ বাবে প্ৰাৰ্থনা কৰোঁ, তেওঁলোকেও আমাৰ বাবে প্ৰাৰ্থনা কৰিব পাৰে। (২ কৰি. ১:১১) দৰাচলতে তেওঁলোকৰ উত্তম আৰ্হিয়ে আমাক সৎকৰ্ম্মত উৎসাহিত আৰু বিশ্বাসত দৃঢ় কৰি তুলে।
৪ সভাত উপস্থিত হোৱা: যেতিয়া আমি নিয়মীয়াকৈ সভবোৰত উপস্থিত হওঁ, তেতিয়া আমি খ্ৰীষ্টান ভাই-ভনীসকলৰ সৈতে সঙ্গতি কৰি আনন্দিত হোৱাৰ আশীৰ্ব্বাদ লাভ কৰোঁ। (ইব্ৰী ১০:২৪, ২৫) কিয়নো সভাসমূহত দিয়া আধ্যাত্মিক পৰামৰ্শসমূহ সকলোতকৈ লাভজনক আৰু সভাত উপস্থিত হোৱাৰ দ্বাৰা আমি আমাৰ সঙ্গী বিশ্বাসীসকলৰ সৈতে এক নিবিড় সম্পৰ্ক গঢ়ি তুলিব পাৰোঁ। এনে সমাবেশে আমাক ভাই-ভনীসকলে মঞ্চত বা শ্ৰোতাসকলৰ মাজত প্ৰকাশ কৰা তেওঁলোকৰ বিশ্বাসৰ বিষয়ে জানিবলৈ সুযোগ দিয়ে। (ৰোমী. ১:১২) আমাৰ এই সঙ্গতিৰ বন্ধন, ভাই-ভনীসকলৰ সৈতে সভা আৰম্ভৰ পূৰ্বেই আৰু পাছত তেওঁলোকৰ সৈতে হোৱা কথো-পকথনৰ ওপৰত নিৰ্ভৰশীল। কিয়নো এনেধৰণৰ উপলক্ষ্যসমূহে আমাক নিজৰ বিশ্বাস প্ৰকাশ কৰাত সহায় কৰে। এতেকে যেনেকৈ আমি যিহোৱাক প্ৰেম কৰোঁতা, তেওঁৰ বাক্যত চলোতা, তেওঁৰ কৰ্ম্ম কৰোঁতা লোকসকলৰ সৈতে বহল হৃদয়েৰে সঙ্গতি কৰিম, আমাৰ ব্যক্তিত্ব সঠিকভাৱে প্ৰভাৱিত হʼব।—ফিলি. ২:১, ২.
৫ সেয়েহে আমি খ্ৰীষ্টান ভাই-ভনীসকলৰ সৈতে সঙ্গতি কৰাটো অতি আৱশ্যক। ইয়াৰ অবিহনে আমাক যি দুৱাৰে আৰু যি বাটে অনন্ত জীৱনলৈ পৰিচালিত কৰিছে, সেই ঠেক দুৱাৰেদি প্ৰৱেশ কৰাটো আমাৰ বাবে অতি কঠিন হৈ পৰিব। এতেকে ভাই-ভনীসকলৰ অনুপ্ৰেৰণাৰ যোগেদি আমি যিহোৱাৰ নতুন জগতৰ ধাৰ্ম্মিক পথত একেৰাহে চলি থাকিব পাৰিম।—মথি ৭:১৪.