প্ৰশ্ন বক্স
▪ যেতিয়া আমি বেথেল আৰু শাখা কাৰ্য্যালয়লৈ ফুৰিবলৈ যাওঁ তেতিয়া আমাৰ সাজ-পোছাক কেনে হোৱা উচিত?
যেতিয়া আমি বেথেল পৰিয়ালৰ সদস্যক সাক্ষাৎ কৰোঁ অথবা শাখা কাৰ্য্যালয়লৈ ফুৰিবলৈ যাওঁ, তেতিয়া “আমাৰ সাজ-পোছাক আৰু আচাৰ-ব্যৱহাৰ উপাসনা কৰিবলৈ ৰাজ্যগৃহত উপস্থিত হোৱাৰ দৰে একেই হোৱা উচিত।” (om 131) যিহেতু এইটো লক্ষ্য কৰা হৈছে যে কিছুমান ভাই-ভনীয়ে শাখা কাৰ্য্যালয়লৈ ফুৰিবলৈ আৰু তাত থকা ভাই-ভনীক সাক্ষাৎ কৰিবলৈ যাওঁতে আৱশ্যকতকৈ অধিক অপৰিপাটি সাজ-পোছাক পৰিধান কৰে। বেথেল বা শাখা কাৰ্য্যালয়লৈ ফুৰিবলৈ যাওঁতে তেনেধৰণৰ সাজ-পোছাক পৰিধান কৰাটো উপযুক্ত নহয়। যিহোৱাৰ সেৱকসকলৰ সাজ-পোছাক পৰিপাটি, উপযুক্ত আৰু সন্মানীয় হোৱা উচিত।—১ তীম. ২:৯, ১০.
বিশেষকৈ বেথেল আৰু শাখা কাৰ্য্যালয়লৈ ফুৰিবলৈ যাওঁতে আমি পৰিধান কৰা সাজ-পোছাকক যিহোৱাৰ সেৱক নোহোৱা লোকসকলে লক্ষ্য কৰিব পাৰে। আমাক লক্ষ্য কৰা ব্যক্তিসকলে হয়তো আমাৰ সাজ-পোছাক দেখি ঈশ্বৰ আৰু তেওঁৰ সংগঠনৰ সম্পৰ্কে ভিন্ন অভিমত দিব পাৰে। গতিকে বেথেল আৰু শাখা কাৰ্য্যালয়লৈ ফুৰিবলৈ যোৱাৰ পূৰ্বেই বাইবেল অধ্যয়ন কৰা বিদ্যাৰ্থী আৰু আন ভাই-ভনীসকলক তেওঁলোকৰ সাজ-পোছাকৰ প্ৰতি মনোযোগ দিবলৈ কোৱাটো উত্তম হʼব। আপোনালোকৰ তেনে কাৰ্য্যক বেথেল পৰিয়ালে প্ৰশংসা কৰিব।
আমি খ্ৰীষ্টান পৰিচাৰক হোৱাৰ বাবে আমাৰ সাজ-পোছাকৰ প্ৰতি মনোযোগ দিয়া উচিত, যাতে ইয়ে কোনো ব্যক্তিৰ বাবে বিঘিনিৰ কাৰণ নহয়। (২ কৰি. ৬:৩, ৪) ইয়াৰ বিপৰীতে আঁহক আমি উপযুক্ত সাজ-পোছাক পৰিধান কৰি সদায়ে “আমাৰ ত্ৰাণকৰ্ত্তা ঈশ্বৰৰ শিক্ষা সকলো বিষয়তে ভূষিত” কৰোঁহঁক।—তীত ২:৯.