প্ৰতিদিন শাস্ত্ৰবচনৰ পৰীক্ষা কৰক কিতাপখনৰপৰা আপুনি উপকৃত হৈছে নে?

যিহোৱাৰ কাষ চাপিবলৈ আপুনি নিশ্চয় প্ৰতিদিনে কিবা নহয় কিবা কৰে। প্ৰতিদিন শাস্ত্ৰবচনৰ পৰীক্ষা কৰক নামৰ কিতাপখন পঢ়েনে? যদি এতিয়ালৈকে আপুনি পঢ়া নাই, তেনেহʼলে আজিৰপৰা এইদৰে কৰিব পাৰেনে? বহুতোলোকে ৰাতিপুৱাতে এই পাঠৰ বিষয়ে ধ্যান কৰে, যাতে তেওঁলোকৰ দৈনন্দিন কাম-কাজত সেইবোৰ ধ্যান কৰিব পাৰে। (যিহো ১:৮; গীত ১১৯:৯৭) আপুনি শাস্ত্ৰপদটোৰপৰা আৰু বেছিকৈ কেনেকৈ লাভৱান হʼব পাৰিব? ঘটনাটো বুজিবলৈ বাইবেল পদটোৰ আগে-পিছে থকা পদবোৰ পঢ়ক। বাইবেল পদটোত দিয়া সিদ্ধান্তটো বুজিবলৈ বাইবেলৰ কোনো এটা ঘটনাৰ বিষয়ে চিন্তা কৰক। তাৰ পাছত নিজৰ জীৱনত সিদ্ধান্তটো পালন কৰক। ঈশ্বৰৰ বাক্যৰ অনুসৰি নিৰ্ণয় কৰিলে, আপুনি ঈশ্বৰৰ নিৰ্দেশনাত চলাৰ দৰে হʼব আৰু ইয়াৰপৰা আপুনি সঁচাকৈ উপকৃত হʼব।—গীত ১১৯:১০৫.

গোটেই পৃথিৱীত থকা বেথেল পৰিয়ালে ৰাতিপুৱাৰ সময়ত প্ৰতিদিন শাস্ত্ৰবচনৰ পৰীক্ষা কৰক কিতাপখনৰপৰা আলোচনা কৰে। বিগত বছৰবোৰত, ইয়াৰ বহুতো আলোচনা JW ব্ৰডকাষ্টিঙৰ প্ৰʼগ্ৰাম আৰু ঘটনা ভাগত যোগ কৰা হৈছে। আপুনি কেতিয়া এই কাৰ্য্যক্ৰমবোৰ চাইছিল? হয়তো এই কাৰ্য্যক্ৰমত এনে কিছুমান বিষয় আছে, যি আপোনাক সঁচাকৈ সহায় কৰিছিল। উদাহৰণস্বৰূপে, নিৰ্ণয় লোৱাৰ ক্ষেত্ৰত আপুনি লোটৰ ঘটনাৰপৰা কি শিকিব পাৰে?

জগতত থকা বিষয়বোৰক প্ৰেম নকৰিব (১যোহ ২:১৫) নামৰ ভিডিঅʼখন চাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:

• ৰাতিপুৱাৰ উপাসনাত ভাইজনে বাইবেলৰ কোনটো সিদ্ধান্তৰ ওপৰত আলোচনা কৰিছিল?

• জগতক আৰু ইয়াৰ বস্তুবোৰ প্ৰেম কৰাৰ কি পৰিণাম হʼব পাৰে, তাক লোটৰ ঘটনাই কেনেকৈ তুলি ধৰে?—আদি ১৩:১২; ১৪:১২; ১৯:৩, ১২, ১৩, ২৪-২৬

• আমি কেনেকৈ দেখুৱাব পাৰোঁ যে আমি জগত বা ইয়াৰ বস্তুবোৰ নহয়, কিন্তু যিহোৱাক প্ৰেম কৰোঁ?