Maogmang Bareta Para sa mga Mahoyo
1 Nabubuhay kita sa panahon nin nagdadangadang na paghokom. (Ezeq. 9:5, 6) Apurado na impormaran an mahoyong mga tawo sa gabos na lugar tanganing makapag-andam sinda para sa maabot. Huli sa saiyang mamomoton na kabootan, isinugo ni Jehova an saiyang banwaan “na magsabi kan maogmang bareta sa mga mahoyo.” (Isa. 61:1, 2) Tinatabangan kita kan satong mga magasin na ipahayag an maogmang baretang ini sa gabos na lugar.
2 An Torrengbantayan rinaranga an mga mahoyo paagi sa maogmang bareta na sa dai na mahahaloy gigibohon kan Kahadean nin Dios an daga na sarong paraiso. An Awake! nagpaparigon nin kompiansa sa panuga kan Kaglalang na sarong matoninong na bagong kinaban. An mahiwas na pagwaras kan mga babasahon na ini saro sa pinakamarikas na paagi na darahon an maogmang bareta sa mga mahoyo. Anong mapag-oolayan na mga punto an puwede niatong itampok sa pinakabagong mga luwas?
3 Puwede nindong iatubang an Mayo 1 “Torrengbantayan” paagi sa pagtokdo kan artikulong “Pagkinabang sa Aroaldaw na Pagbasa sa Biblia” asin paghapot:
◼ “Anong pakinabang sa paghona nindo an makukua niato sa pagbasa sa Biblia? [Pasimbagon.] An Biblia mismo, sa Roma 15:4, sinisimbag an hapot na iyan. [Basahon an Roma 15:4.] An kadaklan na tawo sa satong komunidad igwa nin Biblia, pero kadikit an regular na nagbabasa kaiyan. Nagtutubod kami na an solamenteng seguradong paglaom para sa ngapit manonompongan sa Biblia, asin makikinabang kita kun babasahon ta iyan.” Tumao nin dagdag pang komento, dangan ialok an suskripsion.
4 An Mayo 15 “Torrengbantayan” nagtatampok nin nakakaakit na ilustrasyon na naglaladawan kan mga kamugtakan sa Paraiso sa bagong kinaban. Puwede kamong magpoon paagi sa pagsabi:
◼ “Ano sa paghona nindo an pinakaikaoogma nindo dapit sa pamumuhay sa irarom nin mga kamugtakan na siring kaini? [Pasimbagon.] An paglaom na ini bako sanang sarong pangatorogan; iyan seguradong paglaom na sinasabi sa Tataramon nin Dios.” Basahon an Isaias 32:17, 18, asin ipaliwanag kun paano An Torrengbantayan nagtatao nin progresibong pagtotokdo manongod sa Kahadean nin Dios asin sa kun ano an dapat tang gibohon tanganing magkamit kan mga bendisyon kaiyan.
5 Puwede nindong ialok an Mayo 8 “Awake!” paagi sa paghapot:
◼ “Ano sa paghona nindo an kaipuhan tanganing gibohon an buhay na talagang maogma?” Pasimbagon. Buksan sa artikulong “What Is the Meaning of Life?”, pahina 26, asin basahon an sinabi ni Salomon sa Eclesiastes 2:11. Dangan, itokdo an saiyang sadol sa Kapitulo 12, bersikulo 13. Agdahon an kagharong na sumuskribir.
6 Kun magmamagasin kamo bago an Mayo 14, siertohon na magdara nin mga kopya kan Kingdom News Num. 34 asin ialok iyan sa siisay man na dai pa nakaresibi nin kopya. Maninigo kitang perming magin andam na magwalat nin babasahon sa kada harong kun posible, na rinirealisar na puwede iyan na mabasa kan iba sa pamilya siring man nin mga katood na puwedeng sumongko sainda. (1 Tim. 6:18) An maogmang bareta na dinadara niato sa mga mahoyo puwedeng magligtas kan saindang buhay.—1 Tim. 4:16.