Kinsa ang Hayan Modawat ug Pagtuon sa Bibliya?
1 Ang manalagnang si Amos mipahayag nga adunay kagutom sa yuta sa Israel, “usa ka kagutom, dili sa tinapay, ug usa ka kauhaw, dili sa tubig, apan sa pagpatalinghog sa mga pulong ni Jehova.” (Amos 8:11) Alang sa kaayohan niadtong kinsa gigutom ug giuhaw sa espirituwal nga paagi, ang organisasyon ni Jehova nagapang-apod-apod ug daghan kaayong literatura sa Bibliya sa tibuok kalibotan.
2 Hangtod karon, kita nakapatik ug 70 ka milyong libro nga Kahibalo ug 91 ka milyong brosyur nga Gikinahanglan. Sa pagtudlo sa kamatuoran, kita nakaapresyar sa kayano ug kaepektibo niining mga publikasyona. Apan, sa aktuwal panonpanon sa mga tawo nga nakadawat sa atong literatura wala pa motuon sa Bibliya uban kanato. Unsay atong mahimo bahin niini?
3 Ang Matag Napahimutang Nagkahulogag Potensiyal nga Pagtuon! Tagda ang kasinatian sa usa ka magmamantala nga mitanyag ug pagtuon ngadto sa usa ka babaye sa unang higayon sa pakig-estorya kaniya diha sa pultahan. Siya midawat gilayon. Sa ulahi siya miingon sa magmamantala, “Ikaw ang unang tawo nga mitanyag sukad sa pagtuon sa Bibliya uban kanako.” Sa inyong teritoryo, pila ka tawo nga nakabaton na sa atong literatura ang hayan moingon sa samang butang? Ang matag napahimutang mohatag ug higayon alang sa mga balikduaw ug pagtuon sa Bibliya.
4 Sanglit kita kanunayng makahibalag ug mga tawo nga nakabaton na sa atong mga publikasyon, unsaon nato sa pagpalihok ang ilang interes sa pagkat-on sa kaundan sa atong literatura? Usa ka Saksi ang deretsong nangutana sa tagbalay kon siya ba dunay mga pangutana sa Bibliya, apan igo lang siyang gitubag nga, “Wala.” Ang igsoong babaye mipadayon, “Walay duhaduha ikaw adunay pipila.” Ang babaye nangutana, ug ang pagtuon naugmad. Nganong dili pangutan-on ang tagbalay kon buot ba niyang mokat-on sa hunahuna sa Bibliya bahin sa usa ka suliran o sa usa ka butang nga nakapabalaka kaniya? Magmaandam sa pagsukna ug usa ka makapainteres nga pangutana kon siya wala ing mahunahunaan. Ang maong mga panaghisgot hayan mag-abli sa dalan alang sa regular nga pagtuon sa pasukaranang mga kamatuoran sa Bibliya.
5 Ang pagtuon sa Bibliya nga kalihokan mao ang sentro sa atong ministeryo. Sanglit wala gayod kita mahibalo kon kinsa ang hayan modawat ug pagtuon, ayaw pagpanuko sa pagtanyag ug usa ka pagtuon ngadto sa tanan nga imong mahibalag. Iampo ang maong butang ngadto kang Jehova, ug buhata ang uyon sa imong mga pag-ampo. Ikaw tingali sa dili madugay makakaplag nga ang usa nga imong tanyagan ug pagtuon modawat niana!—1 Juan 5:14, 15.