Itre Itus Ka Nyitrepene La Mel Me Huliwa Ne Cainöj Pepa Nyine Huliwan
4-10 NOFEBA
ITRE TRENGAMO QA HNINE LA WESI ULA | 1 IOANE 1-5
“The Hnime Kö La Fen, Me Itre Ewekë Ne Fen”
w05 1/1 10 ¶13
Xome Jë La Tulu Qaathei Iesu
13 Tro itre xan a mekun ka hape, ame la nöjei ewekë e celë fen, tre, thaa ka ngazo asë kö. Maine nyipici la mekune cili, ngo thaa tro kö sa thëthëhmine ka hape, ame la fen me itre ihuline ej, saqe hi tro itre ej a thepe së qa ngöne la huliwa së koi Iehova. Nge maine tro sa goeën, pëkö ewekë ngöne la fen ka troa aeasenyi së koi Akötresie. Celë hi matre, maine tro sa akökötrene la ihnimi së kowe la itre ewekë ne fen, uti fe hë lo itre ewekë ka pë engazone ngön, tro ha hetre ethane itre ej kowe la mele së. (1 Timoteo 6:9, 10) Ketre, nyimutre ngöne la fen la itre ewekë ka ngazo catr, nge ka troa angazon la mele së. E tro sa goeë film maine itre porogaram ne Televizio ka amamane la iakötrë, memine la aja mo, maine kuci ngazo, tro hë së a hane kapa itre ej, nge tro itre eje a tupathi së. Maine tro sa ce tro pala hi memine la itre atr ka thele troa aloine pala hi la aqane mele i angatr, me nyenyape thele mo, canga tro hi së a hane amë panëne la itre ewekë cili ngöne la mele së.—Mataio 6:24; 1 Korinito 15:33.
Tune Kaa Fe La Pengö Së?
18 Ame la ketre ewekë ka troa xatua së matre tha tro kö la “ite ewekë e celë fen” a akeinyi së, tre, ene la troa mekune hmaca la itre trenge ewekë i Ioane: “Kola pate la fene hnengödrai, memine la hna aja kow ; ngo troa cile huti epine palua la ate kuca la aja i Akötesie.” (1 Ioane 2:17) Kösë ka huti la fene i Satana, ngo hetre drai ne troa nyipune ej. E tro sa mekune ka hape, ame la nöjei ewekë e celë fen, tre, itre ka troa patr, tro lai a hmekë së matre tha tro kö a amenu së hnei Satana.
Troa Sine Thel La Itre Mekune Ka Sisitria
Nyine Mejiune Kow La Itre Eamo i Iehova
14 Ame e hnine la Itre Hna Cinyihane Qene Heleni, nyimutre catre la itre eamo thatraqa së göi tro sa ihnimikeu. Hnei Iesu lo hna qaja ka hape, ame la hna hnaaluene wathebo ka tru, tre, ene la troa “hnime la ate lapa eashenyi ’ö tui eö hi.” (Mat. 22:39) Ketre tune mina fe, hnei Iakobo, ketre trejine me Iesu, hna qaja la ihnimi cili ka hape, “wathebo ka sisitia.” (Iako. 2:8) Hnei Ioane mina fe hna cinyihane ka hape: “Ange tejine fe, tha ini kö a cinyihane koi nyipunie la wathebo ka hnyipixe, loi pe la wathebo ka hekö, lo hnei nyipunie hna hetenyi qa ngöne la qan.” (1 Ioane 2:7, 8) Nemene la aliene la hna ithanata i Ioane la angeice a qeje “wathebo ka hekö”? Angeice hi lai a qaja la wathebo göi troa ihnim. Ame la kola hape, wathebo “ka hekö,” tre kola hape, hnei Iesu hë hna hamëne lai ngöne la itre macatre ka ase hë, “qa ngöne la qan.” Ngo kola “hnyipixe,” pine laka ame la ihnimi celë, tre tro la atr a huujëne la mele i angeic, tune la hna melëne hnene la itretre drenge ngöne la angatre a cile kowe la itre itupathi ka hnyipi traqa koi angatr. Ame easë itretre drei Keriso, easë kö a wangatrune la itre ithuemacanyi nyine hmekë së wanga hetrenyi jë la hni ka pi tru, thiina ka eje ngöne la fene celë, nge ka angazone la ihnimi së kowe la atre lapa easenyi së?
it-2 491 ¶2
Qeje menu
Tha ka ngazo kö troa sipo Akötresie troa köletrije la ngazo ne la itre xaa atr, maine ekalesia asë. Celë hi hna kuca hnei Mose ngöne la angeic a qajaqaja la ngazo ne la nöje koi Iehova, me qeje menu thatraqai angatr. Ame hnei Iehova hna kapa la thithi angeic. (Num. 14:19, 20) Ketre, thupene lo kola xötrei löthe la uma ne hmi, hnei Solomona hna thithi koi Iehova. Hnei Solomona hna sipo Nyidrëti ka hape, maine tro la nöje a trotriji Iehova, me bëeke hmaca koi Nyidrë, epi tro Nyidrëti a kepe angatre hmaca. (1 Ite jo. 8:30, 33-40, 46-52) Ezera la qene qaja ne la angetre Iudra ka bëeke hmaca a tro Ierusalema. Hnëqa i angeic troa qaja amamane koi Iehova la tria ne la nöj. Jëne la thithi angeic, me itre xëwe i angeic, hnene la nöje hna saze, nge hnei Iehova hna kepe angatr hmaca. (Ezera 9:13–10:4, 10-19, 44) Iakobo a thuecatrene la itre ka wezipo troa hëne la itre qatre thup matre troa thithi sai angatr, nge “maine hnei [angatr] hna kuca la ngazo, tro ha nue la ngazo i [angatr].” (Iako. 5:14-16) Ngo, hetre “ngazo hna mecin,” ene la troa qaja angazone la ua, celë hi ngazo hna thatreine troa köletrij. Tha tro kö la keresiano a thithi sane la atr ka kuca la ngazo cili.—1 Ioane 5:16; Mat. 12:31; Heb. 10:26, 27; wange ju NGAZO; UA.
11-17 NOFEBA
ITRE TRENGAMO QA HNINE LA WESI ULA | 2 IOANE 1–IUDRA
“Nyipiewekë Tro Sa Isine Troa Lapa Ngöne La Nyipici”
w04 15/9 11-12 ¶8-9
“Thele Lapane Jë Troa Xomi Trengecatre Thei Joxu”
8 Atre hnyawa hi së la hna thel hnei Satana, ke, Tusi Hmitrötr a qaja la itre nyinyithiina i angeic. (2 Korinito 2:11) Hnei Diabolo hna aciane la itre jol ka tru koi Iobu. Hnei angeic hna humuth la itre nekö i Iobu, me upe la föi Iobu troa cile koi angeic, me aciane la mec ka jol koi angeic, me upe la itre enehmu i angeic troa xöjetriji angeic. Hna ngazo la mekune i Iobu, ke, ame koi angeic, ase hë nuaxöji angeic hnei Akötresie. (Iobu 10:1, 2) Eje hi laka, ame enehila, tha Satana kö la qaane la nöjei jol asë ka traqa koi së. Ngo, itre ej a akucakucanyi së, matre Satana e cili a thele jëne troa akeinyi së.
9 Easa melëne la itre drai ne la pun, matre nyimutre catr la itre ewekë ka troa thë la aqane imelekeu së me Iehova. Ame enehila, sisitria catre kö la troa thele mani, hune la troa nyihlue i Akötresie. Itre zonal, me tele a jele eloine la troa kuci ngazo, nge kösë pëkö ethan. Itre atr enehila a “ajane catrëne la nyine iamadrinë hui Akötresie.” (2 Timoteo 3:1-5) Maine tro sa kei thenge la aqane mekune cili, tro ha jol la aqane imelekeu së me Akötresie. Celë hi matre nyipiewekë tro sa “catre isi thatraqane la lapaun.”—Iudra 3.
Troa Sine Thel La Itre Mekune Ka Sisitria
it-1 879
Ce Xeni Ne Ihnim
Tha Tusi Hmitrötre kö a qaja la pengöne la itre ce xeni cili, me ijine kola ce xen. (Iudra 12) Tha ketre ewekë kö hna acile hnei Iesu Keriso maine angetre aposetolo, matre tha hna amekötine kö kowe la keresiano troa kuca. Itre xan a mekune ka hape, kolo ijine kola könëne la itre trejin ka pë ewekë hnene la itre trejin ka trenamo. Ame ngöne la ijine cili, kola itronyi me ce xen hnene la itre ka pë kemen, me itre sine föe, me itre ka trenamo, me itre ka pë ewekë.
it-2 805
Etë
Ame la ketre hnëewekë qene Geres spi·lasʹ, tre, kola qaja la ketre etë maine iwanaca. Iudra a aceitunëne la itre ka lö hnine la ekalesia matre troa angazone ej memine la itre etë maine iwanaca. Ka ngazo la itre iwanaca kowe la itre he, ketre tune mina fe, ka ngazo la itre atr cili kowe la ekalesia. Öni Iudra göi angatr: “Ngöne la itre ijine nyipunie me itre trejin a ce xeni ne ihnim, angatr a tune la itre iwanaca hna juetrën hnei hnagejë.”—Iudra 12.
“Hnei Angeice Hna Amadrinë Akötresie”
Nemene la hna perofetane hnei Enoka? Öni angeic ka hape: “Hana wang, tro ha hlepëti la joxu ce memine la nöjei ate hmitöte i nyidë ka tha nune e, troa nyi thupene kowe la nöjei ate asëjëihë, me troa amamane kowe la nöjei ate asëjëihë angete thina ka tha ijiji Akötesie la nöjei huliwa asëjëihë ka tha ijiji Akötesie hnei angate hna kuca tha ijiji Akötesie, memine la nöjei tenge ewekë ka calogit, lo hna qaja göi nyidë hnene la nöjei ate ka ngazo me thina ka tha ijiji Akötesie.” (Iuda 14, 15) Tro epuni a canga öhne laka, ame la aqane ithanata i Enoka tre, kösë pi lo ase hë Akötresieti eatrëne la hna perofetan. Celë hi ketre tulu thatraqane la itre xa nyine perofetan e thupen. Ame la mekune ka sisitria, tre, tro la perofeta a qaja la ketre ewekë ke, ka xecie hnyawa koi angeic laka, troa eatr. Celë hi matre angeic a qejepengöne lai ceitune me ketre ewekë ka traqa ha!—Isaia 46:10.
“Hnei Angeice Hna Amadrinë Akötresie”
Ijije hi tro la lapaune i Enoka a xatua së troa isa thele ka hape, easë kö a goeëne la fen tune la aqane goeëne Akötresie. Ame la maca ne iameköti hna tro fë ekö hnei Enoka, tre ka ceitune hi memine la maca hna tro fë enehila. Tune la hna qaja ha hnei Enoka, hnei Iehova hna axulune la Iwë Atraqatr matre troa apatrene la fene ka ngazo ngöne lo ijine i Noa. Nge ame hi la aqane apatrene la fen ekö tre, kolo hi lai a amamane la aqane troa apatrene la fen elany. (Mataio 24:38, 39; 2 Peteru 2:4-6) Ketre tune ekö, ka hnëkë Akötresieti enehila memine la itre meriade lae angela ka hmitrötr, matre troa amekötine hmaca la fene ka ngazo. Loi e tro së isa ala cas a hnin la maca i Enoka me ce thawa ej me itre xan. Maine jë tro la itre hnepe lapa së me itre sinee së a ananyi së. Nge ame itre xa ijin, nango hleuhleu pi hë së ke, easë cas. Ngo pine laka, tha ase pi kö Iehova nuaxöji Enoka ekö; ketre tha tro jë fe kö Nyidrëti a nuaxöj la itre hlue i Nyidrëti enehila!
18-24 NOFEBA
ITRE TRENGAMO QA HNINE LA WESI ULA | HNA AMAMANE 1-3
“Atre Hë Ni La Itre Huliwa i Eö”
Nemene La Pengöi Epun?
8 Nyipiewekë tro sa lepetrij la aja cili, ke, Tusi Hmitrötr a qeje Iesu ka hape, “ngöne la ime maca i angeic la sevene lao wëtresij.” Ame la itre “wëtresij,” tre, kola qaja la itre qatre thup hna iën, memine la itre xaa qatre thup. Iesu la ka xomiuji angatr thenge la aja i nyidrë. (Hna ama. 1:16, 20) Nyidrëti la He ne la ekalesia, matre nyidrëti la ka elemekene la lapa ne la itre qatre thup. Maine loi e troa pane hajine la ketre qatre thup, tro nyidrë ka trene ‘luemeke kösë ukahlokine eë’ a kuca ngöne la nyipi ijin, me meköt. (Hna ama. 1:14) Ngo, qëmekene troa traqa la ijine cili, nyipiewekë tro sa metrötrëne la itre trejin hna acil hnene la uati hmitrötr, thenge la hna qaja hnei Paulo. Öni angeic: “Drengethenge ju la itre ka elemeken thei nyipunie, nge kapa madrine ju la musi angatr, ke angatr a thupë nyipunie, nge tro angatr a isa qeje thiinan, matre tro angatr a madrin troa kuca la hnëqa i angatr, ngo tha tro kö a sixel, wanga zö i nyipunieti jë.”—Heb. 13:17.
Iehova a Thupë Së Kowe La Mel
11 Ame ngöne la hna meköle goeëne hnei Ioane lo hna cinyihane ngöne Hna Amamane mekene 2 me 3, tre kola wai pengöne hnei Iesu Keriso Joxu la itre ekalesia ka ala sevene ne Asia. Easa öhne e cili, laka tha Keriso kö a goeëne hmekuje hi la pengöne la itre ekalesia asë, ngo nyidrëti mina fe a goeëne la itre ewekë ka traqa kowe la itre ekalesia isa ala cas. Goi qaja fe Iesu la isa ëje ne la itre ekalesia cili, me hane qaja aloinyi angatr maine hamë eamo pena. Nemene la hna amamane hnene la mekune celë? Ame lo sevene lao ekalesia hna meköle goeëne hnei Ioane, tre, kola nyi hatrene la itre Keresiano hna iëne thupene lo macatre 1914, nge ame la eamo hna hamëne kowe la itre ekalesia ka ala seven, tre thatraqane fe enehila la nöjei ekalesia i Akötresie e cailo fen. Haawe, meköti hi troa qaja ka hape, Iehova a eatrongëne la nöje i Nyidrë jëne la Hupuna i Nyidrë. Tro sa kepe thangane tune kaa la ixatua cili qaathei Iehova?
w01 15/1 20 ¶20
Ce Tro Jë Memine La Organizasio i Iehova
20 Loi e tro palahi sa ce huliwa memine la organizasio i Iehova, me wangatrunyi la hnëqa i Iesu Keriso, “he ne la ekalesia.” (Efeso 5:22, 23) Hanawang la hna qaja hnei Isaia 55:4, kola hape: “Hana wang, ase hë ni [Iehova] acilë nyidë nyine ate anyipicine kowe la nöj ; nge mekene me ate musi kowe la nöj.” Atre hi Iesu la aqane troa eatrongë së. Ketre, atre hnyawa hi nyidrë la pengö së, itre mamoe, memine la itre hne së hna kuca. Ame lo nyidrëti a wange lo ala seven lao ekalesia ne Asia, afaif qaja nyidrë ka hape: “Atre hi ni la itre huliwa i eö.” (Hna Amaman 2:2, 19; 3:1, 8, 15) Ceitui Iesu memine la Keme i nyidrë, ka atre la itre aja së. Qëmekene troa hamëne la Tulu Ne Thith, öni nyidrë: “Tha ase petre kö nyipunieti sipone kowe la Keme i nyipunie, nge atre fe hë nyidrëti la hnei nyipunieti hna ajan.”—Mataio 6:8-13.
Troa Sine Thel La Itre Mekune Ka Sisitria
Baselaia i Akötresie a Apatrene La Itre Ithupëjia
10 Kola iameköti. Hetre hna troa xouene pala kö hnene la itre ka ithupëjia memine la Baselaia i Akötresie. Öni Iesu: “Tro angat’ a öhne la Nekö i ate kola traqa ngöne la ite iawe, ce memine la mene atraqate me lolo.” (Mar. 13:26) Ame la ewekë ka tru ka traqa ngöne la ijine cili, tre, eje hi lai a troa qajaqaja la ijine traqa Iesu troa iameköti. Ame ngöne la ketre götrane ne la hna perofetane la itre drai ne la pun, ngöne lo ceitune ne la mamoe me gootr, hnei Iesu hna hamëne la itre ithuemacanyi göne la aqane tro nyidrëti a iameköti ngöne la ijine cili. (E jë la Mataio 25:31-33, 46.) Hna aceitunëne me “ite mamoe” la itre atr ka sajuëne la Baselaia. Angatre a ‘gala’ draië, ke trotrohnine hë angatre laka “eashenyi hë la troa amele” angatr. (Luka 21:28) Ame pena ha itre ka icilekeu memine la Baselaia, tre, hna aceitunë angatre me itre “gote.” Öhne jë hi angatre laka, “tro angate lai kowe la hna nyi thupene [hnëjin] ka tha ase palua kö,” haawe, angatr a “iteijenyi.”—Mat. 24:30; Hna ama. 1:7.
w09 15/1 31 ¶1
Itre Mekun Ka Sisitria Ne La Tusi Hna Amamane—I
2:7—Nemene “la paradraiso i Akötresie”? Thatraqane la itre trejin hna iëne la xötre celë, matre ame la paradraiso e celë, tre, kola qaja la elolone la lapa e hnengödrai, la hnë i Akötresie. Maine tro la itre hna iëne a mele nyipici, tro angatr a hane “iji wene la sinöe ne mel.” Tro angatr a kapa la mele ka pë pun, me saze kowe la ka tha hnyiqetre kö.—1 Kor. 15:53.
25 NOFEBA–1 DISEBA
ITRE TRENGAMO QA HNINE LA WESI ULA | HNA AMAMANE 4-6
“Foa Lao Hoos Ka Nyinyape”
Foa Lao Ka Ti Hoos Itre Drei Angatr?
Drei la ka tithe la hoos ka wië? Tro sa atrepengöi nyidrëti hnyawa jëne la tusi Hna Amaman. Kola troa amaman laka ame lai atre ti hoos e koho hnengödrai, tre, “Logo i Akötesie.” (Hna Amamane 19:11-13) Kola qeje Iesu Keriso ka hape, Logo, pine laka nyidrëti la ka nyitrengewekë i Akötresie. (Ioane 1:1, 14) Hna hë nyidrëti fe ka hape, “Tixene la nöjei tixen, nge Joxu ne la nöjei joxu”, nge hna qeje nyidrëti ka hape, “Meköti me Nyipici.” (Hna Amaman 19:16) Kola mama hnyawa laka nyidrëti hi la ka ijije troa joxu me isi, nge tha ka huliwane menune kö nyidrëti la mene i nyidrë. Ngo, hetrenyi kö la itre xa hnying.
wp17.3 4 ¶5
Foa Lao Ka Ti Hoos Itre Drei Angatr?
Eu la kola nyiqaane nyinyape la itre hoos? Iesu lo ka pane ti hoos. Hna nyiqaane nyinyape ngöne lo ijine kola acili nyidrëti troa joxu. (Hna Amaman 6:2) Eu la ijine acili Iesu troa Joxu e koho hnengödrai? Tha kolo kö lo ijine nyidrëti a elë hnengödrai eë, thupene lo nyidrëti a meci. Tusi Hmitrötr a amamane laka ketre ijine nyidrëti a pane itreqe. (Heberu 10:12, 13) Hnei Iesu hna hamëne kowe la itretre drei nyidrëti la ketre hatren, matre wangatrehmekune laka easenyi hë la pun, nge nyidrëti hë a nyiqaane musi e koho hnengödrai. Hnei nyidrëti fe hna qaja ka hape, ame ngöne la nyidrëti a troa nyiqaane mus, ke tro ha saze me ngazo catre la fen. Tro ha hetre isi, me mecijin, me sine mec. (Mataio 24:3, 7; Luka 21:10, 11) Thupene lo Pane Isi Ka Tru lo macatre 1914, mama cile hnyawa ha laka, easa melëne la hneijine ka jol, lo hnei Tusi Hmitrötr hna hën, ka hape, “la ite drai hnapin.”—2 Timoteo 3:1-5.
Foa Lao Ka Ti Hoos Itre Drei Angatr?
Ame la atre tithe la hoos, tre, ej a nyi hatrene la isi. Tha angeice hmekuje kö a xome la tingetinge qa ngöne la itre xa nöj, ngo qa ngöne la fen asë. Ame ngöne lo macatre 1914, hna nyiqaane lo pane isi ka tru, nge tha hna hane fe kö tune ekö. Thupene jë hi lai, kolo pena nyiqaane la hnaaluene isi ka tru, nge ketre isi lai ka ngazo catre kö hune lo hnapan. Qane lo 1914 ame la etrune la itre ka meci ngöne la itre isi me ngöne la kola icilekeu ne la itre nöj, ke, ase hë sasaithe la 100 milio lao atr! Nyimutre mina fe thei angatr la itre ka sinatr.
wp17.3 5 ¶4-5
Foa Lao Ka Ti Hoos Itre Drei Angatr?
“Ini a goeën, nge hanawang, la hose ka wetewete ; nge hete tulu ngöne la iwanakoime ne la ate tith. Nge hnenge hna denge nyipine la ite ewekë ka mele ka ekete kösë aqane ewekë kola hape, A ca tiqa la tulu hnei qite thupene la denari ka cas, nge a köni a tiqa la tulu hnei bali thupene la denari ka cas ; nge the angazone kö la wakacu me waina.”—Hna Amaman 6:5, 6.
Ame la atre tithe la hoos, tre, ej a nyi hatrene la jiin. Easa öhne laka tha ka meköti kö la aqane thewe xen. Ame la thupene la 1.08 Lit ne qitr ke, ca denari, ene lo thupene la ca drai ne huliwa ekö! (Mataio 20:2) Ijije fe hi troa itöne memine la ca denari la 3.24 Lit ne bali, ketre nyine xen ngo tha ka nyipiewekë kö tune lo qitr. Tune kaa la aqane troa thuane ekö la ketre hnepe lapa ka tru? Hnene la itre atr ekö, hna thupëne matre tha tro kö a aluzine menune la itre xen, ngacama tha ijine jiine pala kö. Kola qaja la itre xen ka nyipiewekë ngöne la hneijin me ngöne la mele ne la itre atr, tune la wakacu me elaio me waina.
wp17.3 5 ¶8-10
Foa Lao Ka Ti Hoos Itre Drei Angatr?
Ame la atre tithe la hnaaekene hoos, tre, ej a nyi hatrene la mec pine la itre sine mec me itre xa meci ju kö. Thupene lo lai macatre 1914, kola e la itre milio lao atr ka meci hnene la Grippe espagnol. Maine jë kola traqa koi 500 milio lao atr ka mec, kösë maine ala 3, ke casi pe hi la ka mel!
Ngo ame la Grippe espagnol, tre, kolo petre hi lo lai a nyiqaan. Önine la itre ka inamacan ka hape, maine jë kola traqa koi itre hadredre milio lao atr ka mec hnei iwenetheletha ngöne lo itre macatre 1900. Ame enehila, itre milio lao atr ka meci hnei sida, me tuberculose, me paludisme, ngacama kolo pala hi a catre thele nyin.
Ceitune hi memine la itre ka meci ngöne la itre isi, itre ka meci hnei meci jiin maine meci ka solesol. Kolo pala hi a nyialiene la itre hua, nge pëkö jë ne kötre i angatr.
Troa Sine Thel La Itre Mekune Ka Sisitria
re 76-77 ¶8
Elolone Ne La Therone i Iehova
8 Tha ka sihngödri kö koi Ioane laka, hna acil la itretre huuj troa huliwa e hnine la uma ne heta. Celë hi matre, maine jë, hnei angeic hna sesëkötr ngöne la kola e ka hape: “Nge kola cile xötreithe la therone cili hnene la 24 lao theron, nge hun itre ej, kola isa të la 24 lao qatr ka heetrë ka wië, nge ka petrë korona gool.” (Hna Amaman 4:4) Eje hi laka, tha itretre huuj la hna qaja e celë, ngo 24 lao qatre ka të hune la itre theron, nge hna acil troa joxu. Drei la itre qatre cili? Kola qaja la itre hna iën ne la itre ekalesia, nge hna amelene hmaca e koho hnengödrai, thenge la hnei Iehova hna sisinyi koi angatr. Easa atre tune kaa?
re 80 ¶19
Elolone Ne La Therone i Iehova
19 Nemene la itre ewekë ka mele cili? Kola xatua së troa trotrohnine hnene la ketre hna meköle goeëne hnei Ezekiela. Hnei Ezekiela hna öhnyi Iehova kola cil hune la ketre ikariota, nge kola itrongëpi hnene la itre ewekë ka mel ka ceitu memine la itre hnei Ioane hna meköle goeën. (Ezekiela 1:5-11, 22-28) Thupene lai, hnei Ezekiela hna öhne ngöne la ikariota la ketre theron, nge kola itrongëpi hnene la itre ewekë ka mel. Ngo, ame ngöne la hna meköle goeëne celë, kola qejepengöne la itre ewekë ka mel ka hape, itre kerubi. (Ezekiela 10:9-15) Ame la foa lao ewekë ka mel hna meköle goeëne hnei Ioane, tre, kola nyihatrene la itre kerubi i Akötresie, ene la itre angela hna acile ngöne la ketre göhnë ka draië hnine la organizasio i Iehova e hnengödrai. Tha sesëkötre kö Ioane laka, itre kerubi a easenyi catre koi Iehova, ke, ame ngöne la uma ne heta, lue kerubi gool la ka cil hune la pua ne isisinyikeu, ka nyihatrene la therone i Iehova. Hnei Iehova hna nyi jëne la itre kerubi cili matre troa hamëne la wathebo kowe la nöj.—Esodo 25:22; Salamo 80:1.
cf 36 ¶5-6
“Hanawang La Liona Ne La Lapa i Iudra”
5 Hna majemine nyihatrene la catr hnene la liona. Hapeu, hnei epuni kö hna hane cil qëmekene la ketre liona? Maine jë, kolo epuni a ihamë ngöne la ketre zoo, matre tha xoue catre kö epun, ke, hna umëne ej. Ngo ame pe, nango seseu pi hë epun. Tha mekun kö epun laka, tro lai öni cili, ka hetre trengecatr, nge ka goeë tili epun, a xou me kötr. Öni Tusi Hmitrötr göne la liona ka hape, “öni ka cat, ngo pëkö kete hnei nyëne hna ngaen.” (Ite Edomë 30:30) Ka ceitu me Keriso.
6 Köni aqane amamane Iesu ka hape, ka catre nyidrë tune la liona. Hnei nyidrëti hna isigöline la nyipici, memine la meköt, me cile catr qëmekene la itre ka iaxösisi. Tro sa ce wang laka, ijiji së asë hi troa catr tui nyidrë, ngacama tha atre catre kö së.