ՎԵՐՅԻՇԵՑՈՒՄՆԵՐ ԱՄԱՌՈՒԱՆ ՀԱՄԱՐ
1 Մեզմէ շատեր մեր տեղական ժողովքներէն հեռու պիտի ըլլան որոշ ժամանակ մը, արձակուրդի ամիսներու ընթացքին այս ամառ, ինչպէս դէպի լեռնային շրջանը երթալու ատեն։ Եթէ ամսուայ մը վերջաւորութեան հեռու պիտի ըլլանք, պէտք է վստահ ըլլանք մեր դաշտի ծառայութեան տեղեկագիրները ժողովքի քարտուղարին յղելու։ Ասիկա պէտք է բաւարար կանուխ ընել, այնպէս որ ժողովքի ամսական տեղեկագրին մէջ պարփակուի, զոր քարտուղարը կը պատրաստէ ու Ընկերութեան կը ղրկէ ամսուան վեցերորդ օրէն առաջ։
2 Մենք նաեւ կ’ուզենք արթուն ըլլալ անպաշտօն վկայութեան առիթներուն նկատմամբ։ Այսպիսի առիթներ կրնան հանդիսանալ մինչ կը ճամբորդենք, ազգականներու կ’այցելենք, կամ կը խօսինք անոնց հետ որոնց կը հանդիպինք։ Արդեօք առիթներ կը փնտռե՞նք վկայութիւն մը տալու, ինչպէս Յիսուս ըրաւ։ Ան ետ չկեցաւ անպաշտօն վկայութիւն մը տալէ։ (Յովհ. 4։5–30) Պօղոս առաքեալ նմանապէս ‘ժամանակը ծախու առաւ’ եւ լաւ արդիւնքներ վայելեց։ (Եփ. 5։16. Գործք 17։17. 28։30, 31. Կող. 4։5) Հաստատ ծրագիրներ ըրէք անպաշտօն վկայութեան միջամուխ ըլլալու։ Լաւ պատրաստուած եղէք կարգ մը ժամանակեայ խօսակցական կէտերով եւ ձեռքի տակ պարբերաթերթ մը կամ թերթիկ մը ունեցէք որպէսզի հետաքրքրութիւն գրգռէք։
3 Այս յիշեցումներուն ուշադրութեամբ հետեւելով, վստահ պիտի ըլլանք մեր ժամանակը իմաստութեամբ գործածելու այս ամառ եւ Եհովայի պիտի տանք մեր «երախայրիներ»ը։—Առ. 3։9