Քարտուղարին Եւ Ծառայութեան Տեսուչին Վերյիշեցում
Իւրաքանչիւր տարի Մեր Թագաւորութեան Ծառայութիւն թերթիկին Փետրուար թիւին մէջ ծանուցում մը կը նշէ որ քարտուղարը եւ ծառայութեան տեսուչը պէտք է «վերաքաղ ընեն բոլոր կանոնաւոր ռահվիրաներուն գործունէութիւնը»։ Այս վերաքաղին նպատակը ի՞նչ է։ Նպատակն է որոշել թէ ո՛վ օգնութեան կարիքը ունի որպէսզի ժամերու պահանջին գոհացում տայ ծառայութեան տարին վերջանալէ առաջ։
Կանոնաւոր ռահվիրաներէն կը պահանջուի որ իւրաքանչիւր տարի 1,000 ժամ ծառայութեան յատկացնեն։ Փետրուարին վերջաւորութեան, կարգ մը ռահվիրաներ կը նկատեն որ ետ մնացած են, եւ ասիկա կրնայ վհատութեան առաջնորդել։ Երէցները յաճախ կրնան օգնական ըլլալ ռահվիրաներուն, անոնց տալով քաջալերութիւն եւ գործնական առաջրկներ։ Ասիկա իր մեծ դերը ունի որ ռահվիրաները յաջողութեամբ իրենց նպատակակէտին հասնին կամ իրենց ռահվիրայական գործունէութիւնը դադրեցնեն։
Ռահվիրաները վստահաբար պիտի գնահատեն երէցներուն անկեղծ հետաքրքրութիւնը ասոր առնչութեամբ։ Ժողովքն ալ պիտի օգտուի ունենալով այնպիսի ռահվիրաներ որոնք ուրախ են իրենց ծառայութեան մէջ, հաւատարմօրէն կառչելով իրենց նշանակումին։