Ընտանիքներուն Օգնենք Որ Տեւական Ապագայ Մը Ապահովեն
1 «Ագահութիւնը օգտակար է», ըսաւ ֆինանսագէտ մը, այս խօսքերը ուղղելով համալսարանի շրջանաւարտ դասարանի մը, ապա աւելցուց. «Կրնաք ագահ ըլլալ ու տակաւին ինքնայամարում ունենալ»։ Ասիկա օրինակ մըն է թէ աշխարհ ինչպէս շահախնդրութի՛ւնը կը քաջալերէ որպէս ապագան ապահովելու կերպը։ Ասոր ճիշդ հակառակը, Յիսուս սորվեցուց որ Քրիստոնեայ մը պէտք է «իր անձը ուրանայ . . . քանզի ի՞նչ կը շահի մարդ եթէ բոլոր աշխարհը վաստկի եւ իր անձը կորսնցնէ»։ (Մատթ. 16։24–26) Տեւական ապագայ մը ապահովելու համար, անհատ մը պէտք է իր ամբողջ կեանքը կեդրոնացնէ Աստուծոյ կամքը կատարելու վրայ, որ ներկայիս ընտանիքներուն համար ամենէն կարեւոր նպատակակէտն է։ (Սաղմ. 143։10. Ա. Տիմ. 4։8) Այդ պատգամը կը փոխանցուի Ընտանեկան Ուրախութեան Գաղտնիքը գրքին վերջին գլուխին մէջ։ Այս նոր գրականութիւնը մարդոց կ’օգնէ տեսնելու թէ կեանքի մէջ ի՛նչ բան իրապէս կարեւոր է ու անոնք ի՛նչպէս կրնան իրենց ընտանիքներուն ի նպաստ գործել։ Մինչ կը շարունակենք բարի լուրը ամէնուրեք քարոզել, ի՞նչ կրնանք ըսել, որպէսզի մեզի հանդիպողները քաջալերենք Ընտանեկան Ուրախութիւն գիրքը կարդալու։ Ահաւասիկ կարգ մը թելադրութիւններ.
2 Թէ՛ դռներուն առջեւ եւ թէ փողոցը կրնաք «Ընտանեկան Կեանքը Վայելեցէք» թերթիկը գործածելով խօսակցութիւններ սկսիլ։ Կրնաք հարցնել.
◼ «Նկատի առնելով այդ բոլոր մտահոգութիւնները, զորս արդի ապրելակերպը կը բերէ մեր վրայ, կը խորհի՞ք թէ կարելի է իրապէս ընտանեկան ուրախ կեանք մը ունենալ։ [Թոյլ տուէք որ պատասխանէ։] Այս թերթիկը մեզի կը վստահեցնէ որ ասիկա կարելի է։ Կը փափաքի՞ք զայն կարդալ»։ Եթէ ընդունի, կրնաք շարունակել ըսելով. «Քանի որ այս նիւթով հետաքրքրուած էք, թերեւս այս գիրքն ալ ձեզ հետաքրքրէ որ մանրամասն խրատներ կը հայթայթէ, թէ ի՛նչպէս ուրախութիւն կրնաք գտնել ընտանեկան շրջանակէն ներս»։ Ընտանեկան Ուրախութիւն գրքին բովանդակութեան ցանկը ցոյց տուէք։ Անոր ուշադրութեան յանձնեցէք կարգ մը գլուխներու աչքառու խորագիրները։ Բացէք էջ 10–ը ու կարդացէք 17–րդ պարբերութեան վերջին նախադասութենէն մինչեւ 18–րդ պարբերութեան վերջաւորութիւնը։ Գիրքը ներկայացուցէք ու յիշեցէք նուիրատուութեան կարգադրութիւնը։ Բացատրեցէք թէ տակաւին աւելի բաներ ունիք զորս կ’ուզէք բաժնեկցիլ, ապա հարցուցէք թէ ե՛րբ կրնաք դարձեալ այցելել իրեն։
3 Կրնաք ընտանեկան ուրախ կեանքի մասին ձեր առաջին խօսակցութիւնը շարունակել, ըսելով.
◼ «Կը փափաքիմ ձեր առած գրքէն ձեր ուշադրութիւնը հրաւիրել բանի մը, որ կը խորհիմ թէ պիտի գնահատէք։ Գրքին վերջին գլուխը շեշտը կը դնէ ընտանեկան ուրախութեան իսկական գաղտնիքին վրայ։ [Կարդացէք էջ 183, պարբերութիւն 2։] Նկատի առէք թէ բանալին՝ Աստուծոյ կամքը միասնաբար ընելն է։ Ընտանիքներուն կը յանձնարարենք որ միասնաբար Աստուածաշունչը ուսումնասիրեն, որպէսզի սորվին թէ ի՛նչ է Աստուծոյ կամքը եւ զայն ի՛նչպէս կիրարկեն ընտանիքին մէջ։ Աստուածաշունչի ուսումնասիրութեան ձրի դասընթացք մը կ’առաջարկենք, որ միայն մի քանի ամիսէն կ’ամբողջացուի։ Եթէ ինծի արտօնէք, ձեզի ցոյց կու տամ թէ ասիկա ի՛նչպէս կ’ըլլայ»։ Վերայցելութեան ձեր հետ ունեցէք Աստուած Ի՛նչ կը Պահանջէ Մեզմէ գրքոյկը կամ Գիտութիւն գիրքը, ո՛ր մէկը որ աւելի յարմար է։
4 Երբ դպրոցին մէջ դասընկերներու կամ թաղամասին մէջ պատանիներու հետ կը խօսակցիք, կրնաք հետեւեալ հարցումին ընդառաջում մը գտնել.
◼ «Ո՞րքան կարեւոր է որ ծնողներ ու զաւակներ իրար միջեւ հաղորդակցութեան կապերը բաց պահեն։ [Թոյլ տուէք որ պատասխանէ։] Նկատի առէք թէ ընտանեկան կեանքի մասին այս գրպանի չափով գիրքը ի՛նչ կ’ըսէ՝ ‘Պարկեշտ եւ Սրտբաց Հաղորդակցութիւն’ նիւթին շուրջ։ [Կարդացէք Ընտանեկան Ուրախութիւն գրքէն էջ 65, 4–րդ պարբերութիւնը եւ 5–րդ պարբերութեան առաջին նախադասութիւնը։] Յաջորդական պարբերութիւնները գործնական թելադրութիւններ կը հայթայթեն, ընտանիքէն ներս ի՛նչպէս հաղորդակցութիւնը բարելաւելու մասին։ Այս գրքին խորագիրն է՝ Ընտանեկան Ուրախութեան Գաղտնիքը։ Եթէ կը փափաքիք ու կը խոստանաք զայն կարդալ, կրնաք այս օրինակը ունենալ»։ Բացատրեցէք թէ հետագային դարձեալ պիտի այցելէք իրեն ու կարդացածին մասին իր գաղափարը պիտի առնէք։
5 Ծնող–զաւկի միջեւ հաղորդակցութեան մասին պատանիի մը հետ ունեցած ձեր խօսակցութեան վրայ կրնաք աւելցնել, ըսելով.
◼ «Կը գնահատեմ այն հետաքրքրութիւնը որ ցուցաբերեցիք ձեր ընտանիքէն ներս լաւ հաղորդակցութիւն մը ունենալու կարեւորութեան մասին։ Ո՞ր նիւթը կը խորհիք թէ ամենէն կարեւորն է, որու մասին ծնողներն ու զաւակները պէտք է խօսակցին»։ Թոյլ տուէք որ պատասխանէ։ Ապա բացէք Ընտանեկան Ուրախութիւն գրքին էջ 68 ու կարդացէք 11–րդ պարբերութեան առաջին կէսին մէջ գտնուող պատասխանը։ «Աստուածաշունչի շաբաթական ուսումնասիրութիւն մը ունենալը հոյակապ կերպ մըն է Աստուծոյ մասին գիտութիւն ձեռք ձգելու համար»։ Ներկայացուցէք Աստուած Ի՛նչ կը Պահանջէ Մեզմէ գրքոյկը։ Բացատրեցէք թէ անոր բովանդակած 16 դասերը Աստուածաշունչի պատգամին մասին հիմնական գաղափար մը կը հայթայթեն։ Կարդացէք 2–րդ էջին վրայ գտնուող նախաբանը, ապա միասնաբար նկատի առէք առաջին դասը։
6 Եթէ տունէ–տուն ծառայութեան, հանրային պարտէզի մը կամ խաղավայրի մը մէջ ծնողի մը հանդիպիք, կրնաք հետաքրքրութիւն արթնցնել, ըսելով.
◼ «Վստահ եմ ինծի հետ պիտի համաձայնիք որ ներկայիս զաւակներ մեծցնելը շատ դժուար է։ Ի՞նչ բան կը խորհիք որ կրնայ ձեր ընտանիքը պաշտպանել վատառողջ ազդեցութիւններէ։ [Թոյլ տուէք որ պատասխանէ։] Ահաւասիկ հոյակապ խրատ մը զոր գնահատած եմ»։ Յիշեցէք Ընտանեկան Ուրախութիւն գրքի 90–րդ էջին, առաջին պարբերութեան մէջ գտնուած օրինակը, ապա կարդացէք 2–րդ պարբերութիւնը։ Բացատրեցէք թէ անիկա ի՛նչպէս հաւասարակշռուած ուղղութիւն կու տայ որ իրապէս գործնական է ընտանիքները քայքայիչ ազդեցութիւններէ պաշտպանելու համար։ Առաջարկեցէք օրինակ մը ձգել ու յարուցուած որեւէ հարցումի պատասխանելու պատրաստակամութիւն ցոյց տուէք։
7 «Ընտանեկան Ուրախութիւն» գիրքը ընդունող ծնողի մը վերայցելելու ատեն, կրնաք խօսակցութիւնը շարունակել այս կերպով.
◼ «Երբ առաջին անգամ հանդիպեցանք, նկատեցի որ անկեղծօրէն հետաքրքրուած էք ձեր զաւակներով ու կը փափաքիք ձեր լաւագոյնը ընել զանոնք վատառողջ ազդեցութիւններէ պաշտպանելու համար։ Թէեւ կրնայ ըլլալ որ տակաւին առիթը չունեցաք կարդալու այն գիրքը որ ձեր քով ձգեցի, սակայն անոր մէջ շատ կարեւոր ակնարկութիւն մը եղած է որ պէտք է տեսնէք։ [Կարդացէք էջ 59, պարբերութիւն 19։] Աստուծոյ հետ յարաբերութիւն մը մշակելը կը պահանջէ որ մենք զինք ճանչնանք իր գրաւոր Խօսքին՝ Աստուածաշունչին՝ էջերուն ընդմէջէն։ Կը փափաքի՞ք որ ձեզի ցոյց տամ թէ մենք ընտանիօք ի՛նչպէս կը սերտենք Աստուածաշունչը»։
8 Աշխարհային խրատատուներ ընտանիքներուն չեն կրնար ցոյց տալ ուրախութեան ճամբան ու վստահաբար զանոնք յուսախաբ ալ կ’ընեն։ Ընտանեկան Ուրախութիւն գիրքը լայնօրէն ցրուենք, որպէսզի ամէնուրեք մարդիկ կարենան Աստուծոյ Խօսքին օգնութեամբ տեւական ապագայ մը ապահովել։—Ա. Տիմ. 6։19