Գրքոյկներ Գործածեցէք՝ Մտքին ու Սրտին Կոչ Ընելու Համար
1 Աստուածաշունչի ճշմարտութիւնը մտքին ու սրտին կոչ ընող կերպով մը պէտք է ներկայացուի։ Երբ Յիսուս իր ունկնդիրներուն ճշմարտութիւնը բացատրեց, զիրենք հետաքրքրող եւ գործի մղող բնաբաններ ընտրեց։ (Ղուկ. 24։17, 27, 32, 45) Մեր ծառայութեան յաջողութիւնը մեծապէս կախեալ է մեր ունկնդիրներուն հոգեւոր պէտքերը բնորոշելէն։
2 Գրքոյկները ազդու գործիքներ կրնան ըլլալ ծառայութեան մէջ մեր հանդիպած մարդոց մտքին ու սրտին հասնելու համար։ Նախապէս խորհեցէք թէ որո՛նք կարելի է որ ընդառաջեն, Օգոստոսին ներկայացուելիք իւրաքանչիւր գրքոյկին պարունակած պատգամին.
—Աստուած Իրապէս Հոգ կը Տանի՞ Մեզի. Տնտեսապէս ընկճուած կամ ողբերգութենէ մը տառապած անհատներ պիտի գնահատեն տառապանքէ զերծ ապագայի մը մասին անոր պարունակած մխիթարական պատգամը։
—«Ահա Ամէն Բաները Նոր կ’Ընեմ». Իրենց ապագայով լրջօրէն հետաքրքրուած երիտասարդներ պիտի օգտուին այս գրքոյկին պարունակած սուրբ գրային տեղեկութիւններէն։
—Գիրք մը՝ Բոլոր Մարդոց Համար. Անոնք որոնք Աստուածաշունչի նկատմամբ թերահաւատութիւն ունին, կրնան օգտուիլ այս գրքոյկի տեղեկութիւններէն։ Անիկա ցոյց կու տայ թէ Աստուածաշունչը այնպիսի հարցումներու կը պատասխանէ, որոնց մասին մարդիկ յաճախ խորհած են. Ուրկէ՞ եկած ենք։ Ի՞նչ է կեանքին նպատակը։ Ի՞նչպէս կրնանք ուրախութիւն գտնել կեանքի մէջ։ Երկրի վրայ միշտ կեանք գոյութիւն պիտի ունենա՞յ։ Ապագան ի՞նչ վերապահած է մեզի։
3 Իւրաքանչիւր գրքոյկին քաջածանօթ եղէք ու որոշեցէք ձեր թաղամասին մէջ զանոնք գործածելու լաւագոյն կերպը։ Թելադրուած ներկայացումներու համար, տեսէ՛ք Յուլիս 1998–ի Մեր Թագաւորութեան Ծառայութիւնը թերթիկին վերջին էջը։ Եհովան թող օրհնէ անհատներու մտքին ու սրտին հասնելու համար ձեր տարած ջանքերը։—Մար. 6։34