Ծառայութեանդ Մէջ Պարբերաթերթեր Ներկայացուր
1, 2. Դիտարան ու Զարթի՛ր պարբերաթերթերը ի՞նչպէս մարդոց կեանքին ազդած են։
1 «Հետաքրքրական, ժամանակայարմար ու քաջալերական»։ «Ամենէն քաջալերական պարբերաթերթերը որ ցարդ կարդացած եմ»։ Այս խօսքերը լաւ կերպով կը նկարագրեն թէ համայն աշխարհի մէջ ընթերցողներ ի՛նչպէս կը զգան Դիտարան ու Զարթի՛ր պարբերաթերթերուն հանդէպ։ Արդարեւ մեր պարբերաթերթերը ապացուցանած են թէ բարի լուրը ‘բոլոր մարդոց’ հասցնելու համար թանկագին գործիքներ են։—Ա. Տիմ. 2։4
2 Առեւտրական մը Զարթի՛ր պարբերաթերթի մէկ թիւը ստացաւ, որ զինք հետաքրքրող նիւթ մը կը բովանդակէր։ Ժամանակ մը ետք, ան Զարթի՛ր–ի հետ ստացած Դիտարան–ը կարդաց, որուն մէկ յօդուածը մղեց զինք որ մանրակրկիտ քննէ իր ամբողջ կեանքի տեւողութեան հաւատացած Երրորդութեան վարդապետութիւնը։ Ասիկա իր հետաքրքրութիւնը արթնցուց, եւ վեց ամիս ետք մկրտուեցաւ։ Ուրիշ մարդ մը կանոնաւորաբար պարբերաթերթերը կը ստանար, բայց զանոնք չէր կարդար։ Միւս կողմէ, անոր կինը որ Վկաներէն կը խուսափէր, պարբերաթերթերը կը կարդար։ Արդար մարդոցմով լեցուած երկրային դրախտի մը մասին Աստուածաշունչի խոստումը, կնոջ սիրտը տոգորեց։ Ժամանակի ընթացքին, կինը, իր քոյրը, եւ իր տղան Եհովայի ծառաներ եղան։
3. Երկու պարբերաթերթերը միասին ներկայացնելը ինչո՞ւ օգտակար է։
3 Զանոնք Միասնաբար Ներկայացուր. Ինչպէս վերոյիշեալ օրինակները ցոյց կու տան, չենք գիտեր թէ ո՛վ պիտի կարդայ մեր պարբերաթերթերը կամ ի՛նչ բան անոնց հետաքրքրութիւնը պիտի շարժէ։ (Ժող. 11։6) Հետեւաբար օգտակար է Դիտարան ու Զարթի՛ր պարբերաթերթերը միասին ներկայացնել, թէեւ ընդհանրապէս մեր ներկայացումին մէջ անոնցմէ մէկուն մասին կը խօսինք։ Կարգ մը պարագաներուն, թերեւս յարմար ըլլայ այցելութեան մը ընթացքին մի քանի պարբերաթերթեր միասին ներկայացնել։
4. Ի՞նչպէս կրնանք պարբերաթերթով վկայելու գործունէութիւնը յայտագրել։
4 Օգտաշատ է ամէն շաբաթ մէկ օր յատկացնել պարբերաթերթով վկայելու գործունէութեան։ Եհովայի Վկաներու 2005–ի Օրացոյց–ին վրայ, իւրաքանչիւր Շաբաթ օր տրամադրուած է իբրեւ «Պարբերաթերթի Օր»։ Անշուշտ տեղական եւ անձնական տարբեր պարագաներ ըլլալով, ոմանք կրնան պարբերաթերթերը ներկայացնելու համար ուրիշ օր մը ընտրել։ Ասիկա շաբաթական յայտագրիդ մաս կը կազմէ՞։
5. Պարբերաթերթեր տեղաւորելու ո՞ր պատեհութիւնները կրնանք օգտագործել, եւ ի՞նչպէս։
5 Անձնական Նպատակակէտ Դիր. Ամէն ամիս պարբերաթերթեր տեղաւորելու նկատմամբ անձնական նպատակակէտ դնելը կրնայ մեզի օգնել որ զանոնք տեղաւորելու համար արթուն ըլլանք։ Կանոնաւորաբար պարբերաթերթ առնողներու ցանկ մը ունի՞ս։ Ծառայութեան մէջ հանդիպած անհատներուդ պարբերաթերթեր կը ներկայացնե՞ս։ Կրնա՞ս պարբերաթերթեր ներկայացնել փողոցի քարոզչութեան, առեւտրական թաղամասի եւ հանրային վայրերու մէջ։ Ճամբորդութեան, գնումի եւ ժամադրութեան մը երթալու ատեն, հետդ պարբերաթերթեր կը տանի՞ս։ Ամէն յարմար առիթ օգտագործէ ուրիշներուն օգնելու որ Դիտարան ու Զարթի՛ր պարբերաթերթերէն օգտուին։
6. Ի՞նչպէս կրնանք պարբերաթերթերուն հին թիւերը օգտագործել։
6 Կրնանք նաեւ մեր նպատակակէտը դարձնել՝ մեր ունեցած հին թիւերը տեղաւորել։ Նոր պարբերաթերթերը եթէ մէկ–երկու ամսուան մէջ չտեղաւորուին, անոնց բովանդակած տեղեկութիւններուն արժէքը չի կորսուիր։ Զանոնք հետաքրքրուած անհատներուն ձեռքը հասցուր։ Միլիոնաւորներու համար, Դիտարան ու Զարթի՛ր պարբերաթերթերը՝ «յարմարութեամբ ըսուած խօսք» են։ (Առ. 25։11) Թող զանոնք գործածենք յաւելեալ միլիոնաւորներու օգնելու որ Եհովան ճանչնան ու անոր ծառայեն։