Ihe Ndị E Nwere Ike Ikwu Mgbe A Na-enyefe

Ụlọ Nche Eprel 1

“N’ụfọdụ akwụkwọ ndị mmadụ dere, ha sịrị na Jizọs anwụghị anwụ dị ka Baịbụl kwuru, kama na ọ lụrụ nwaanyị, mụtakwa ụmụ. Ị̀ nụtụla ụdị ihe ahụ? [Chere ka ọ zaa.] Ọ dị mkpa ka anyị mara nke bụ́ eziokwu. [Gụọ Jọn 17:3.] Isiokwu a kwuru ihe mere anyị ga-eji kwere n’ihe Baịbụl kwuru banyere Jizọs.” Gosi ya isiokwu malitere na peeji nke 26.

Teta! Eprel-Jun

“O yiri ka ọtụtụ ndị di na nwunye taa hà weere ịgba alụkwaghịm ka naanị ihe ga-ebi nsogbu ha na-enwe. Gịnị ka i chere? [Chere ka ọ zaa.] Naanị ihe Akwụkwọ Nsọ kwuru nwere ike ime ka di ma ọ bụ nwunye gbaa ibe ya alụkwaghịm bụ ihe a e dere na Matiu 19:9. N’agbanyeghị nke ahụ, ọ dị mkpa ichebara nsogbu ndị ya na ịgba alụkwaghịm so echiche, dịkwa mkpa iche otú di na nwunye ndị na-enwe nsogbu nwere ike isi dozie nsogbu ha.” Gosi ya igbe dị na peeji nke 8.

Ụlọ Nche Mee 1

“Ì chetụla ihe mere Chineke ji kwe ka ụmụ mmadụ na-ata ahụhụ? [Chere ka ọ zaa.] Legodị otú otu onye so dee Baịbụl si jụọ ajụjụ a ọtụtụ ndị jụrụla. [Gụọ Abụ Ọma 10:1.] Magazin a kọwara ihe Baịbụl kwuru na ọ bụ ya mere Chineke ji kwe ka ụmụ mmadụ na-ata ahụhụ nakwa ihe ọ na-eme iji hụ na ha kwụsịrị ịta ahụhụ.”

Teta! Eprel-Jun

“Ọtụtụ ndị na-akwanyere Baịbụl ùgwù, ma ha echeghị na ọ bụ ihe niile e dere na ya baara anyị uru taa. Gịnị ka i chere? [Chere ka ọ zaa. Gụzie Ndị Rom 15:4.] Isiokwu a kọwara ihe mere ihe niile e dere na Baịbụl, ma ndị nke a na-akpọ Agba Ochie, ji ka baara anyị uru taa.” Gosi ya isiokwu malitere na peeji nke 14.